Интернационал (коми)
Сувт, чеччы, ёрӧм, дорӧм войтыр!
Сувт, тшыглы кулысь, бӧрдысь йӧз!
Пӧсь виртӧ пузьӧд, пальӧд ойбыр,
Мед сьӧлӧм ӧзйӧ биын моз.
Став мувыв пежсӧ дзикӧдз гӧрам,
Лёк вужсӧ бертам, мед оз пет;
Ми долыд олӧм выльысь дорам:
Код вӧлі тшыг, мед лоас пӧт.
Тайӧ кыпӧдчӧм миян
Мувыв медбӧръя кось.
Сувт, уджалысь йӧз пиян,
Став эмбур аслыд босьт!
Оз сетны саръяс личыд олӧм,
Оз киссьы енсянь нинӧмтор.
Ас вынӧн босьтны быдӧн колӧ,
Став тільсьысь-пессьысь миян дор.
Мед мынлас горшысь чорыд гӧрӧд,
Мед му пыр мунас мустӧмтор,
Босьт, мувыв пежсӧ путкыльт, пӧрӧд,
Ён дась пӧсь вывсьыд шудтӧ дор!
Тайӧ кыпӧдчӧм миян
Мувыв медбӧръя кось.
Сувт, уджалысь йӧз пиян,
Став эмбур аслыд босьт!
Мый муыс лэптӧ, ставыс миян.
Быд уджсӧ вермӧ вына сой.
Став дыша горшсӧ пӧдтам биӧн,
Коді оз уджав, мед оз сёй.
Оз зэв дыр курксы кырныш чукӧр,
Ми регыд индам оланін.
Быд асыв сявкйӧ кыа югӧр,
Гӧрд мича шонді сетас вын.
Тайӧ кыпӧдчӧм миян
Мувыв медбӧръя кось.
Сувт, уджалысь йӧз пиян,
Став эмбур аслыд босьт!
This is a translation and has a separate copyright status from the original text. The license for the translation applies to this edition only. | |||||||||||||
Original: |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse | ||||||||||||
Translation: |
|