Священная история Ветхого завета (мокшень)/О/30
30. Еврейхнень Чермнай морять туркс ётамасна.
Еврейхнень Египетста лисемдост меле, Фараонсь ушедсь ужяльдеме, мезенди нолдазень Еврейхнень. Сон курок кочказень сембе войсканзон дъ тусь Еврейхнень меки мърдафтомост. Сон сатозень Еврейхнень Чермнай морять ваксста. Еврейхне кодак няезь Фараононь, эводсть дъ ушедсть пеняндама Моисеень лангс, мезенди сон лихтезень синь Египетста; синь пельсть, што Фараон синь сембонь шавондсонень. Шкайсь мярьгсь Моисейти: эрьхтть ведть ланга байдекцень мархта, сон эстокиге яви кафтова, и Еврейхне ётайхть морять коське потмаксканза. Фараонсь войсканза мархта тусь Еврейхнень мельге морять потмакска. Мъзярда Еврейхне лиссть морять омбокс, Фараонсь войсканза мархта нинге аньцек морять кучкасоль. Шкайсь тага мярьгсь эрьхтемда Моисейти байдеконц мархта морять ланга. Моисей стане и тись, ведсь эстокиге пуромсь марс дъ ваяфтозень сембе Египтятнень.