Тĕрмере (Турхан Энтри)
Ман тĕрмем ытла та тĕксĕм-çке!
Ун тĕреклĕ хÿмин тулĕнче
Тинĕс хумĕ кăна çÿрет-çке!
(Пăс тăрать тинĕсин çийĕнче.)
Çав хумсем чулсемпе çапăçни
Хăлхана çурса çеç илтĕнет;
Çав хумсем хумханса шавлани
Пăчă çĕр ăйăха вĕçтерет.
Сайраран тĕрмене пĕр хĕлхем
Хĕвелтен уйрăлса кĕркелет,
Çут тĕнчен вĕçĕмсĕр çуттинчен
Пĕр тумлам тĕрмере сирпĕнет.
Эх, хĕлхем, тух часрах тĕрмерен!
Вилнĕ çын шăтăкне ан çутат!
Авалхи хÿмери чулсенчен
Шыв тар пек тухнине ан кăтарт!
Манпа пĕр тĕрмере – ман юлташ,
Пĕр чĕреллĕ тус-çын, пĕртăван.
Эс те, ытарайми хурăнташ,
Ман пек çакăнта ватăлан.
Авалхи вăхăтра çамрăк чух,
Ăмăрткайăк пек вăйлă чухне.
Çирĕп ÿт, вĕри юп пулнă чух
Эпир те уçнăччĕ ирĕкре.
Пирĕн те çамкасем шухăшпа
Усăнмастчĕç, сÿнсе, çĕрелле;
Пирĕн те кăкăрсем хуйхăпа
Пĕрĕнместчĕç ÿпке ăшнелле.
Тăшмансем халăха йĕртнипе
Вĕриленчĕ, тăван, пирĕн юн.
Виличчен тăшманпа кĕрешме
Сăмах татрăмăр çав тискер кун.
Икĕ яш арăслан çури пек
Пикенсе тăтăмăр çапăçма;
Вут тухсан, пысăк чан çапнă пек,
Халăха ыйхăран вăратма.
Юррăмсем, янăраса, хĕснĕшĕн
Халăхăн тăшманне тавăрсан,
Ман юрра итлесе, ирĕкшĕн
Тăвансем çапăçма пухăнсан, —
Ман тăван, ман юлташ, хĕç тытса,
Çак çарра илсе кайрĕ вăрçа,
Ĕççыннин куççульне шутласа,
Тăшмансен юнĕпе тавăрма.
Вăйлăран вăйлăрах тăрăшса
Тăшманпа тытăшса вăрçрăмăр.
Кунтан-кун хĕрÿрех çапăçса
Тăшмансенĕн юнне тăкрăмăр.
Ман тăван, ман юлташ ывăнсан,
Юррăмсем, янăраса, пулăшрĕç;
Ун хĕççи лăш кайса усăнсан,
Юррăмсем, çĕклесе, вăй кÿртрĕç.
Тăван халăх йĕни, çаврăнса.
Тăшмансен пит-куçне çупăнчĕ,
Тăшман хăй юнĕпе çăвăнса,
Вăй кайса, пĕтес пек, супăнчĕ…
Анчах çук – чурасен чĕрине
Ÿкĕтне кĕртесси çăмăл мар;
Ăйхă юнлă çынсен варрине
Вĕри юн кĕртесси часах мар.
Фарисей пек, кулса, тус-çынсем
Тытса пачĕç пире тăшмана;
Хĕрхенÿсĕр, усал тăшмансем
Çыхса лартрĕç пире шăтăка.
Хĕпĕртеччĕр ултавçă çынсем! –
Ирĕклĕх, тÿрĕлĕх хупăнчĕç!
Савăнсамăр, усал тăшмансем! –
Чĕрĕлĕх юррисем татăлчĕç.
1912
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1972 году, соответственно эта работа выйдет в России в общественное достояние в 2043 году.
The author died in 1972, so this work is also in the public domain in countries and areas (outside Russia) where the copyright term is the author's life plus 50 years or less. |