Эрямос совамо/Андрей Понксарев/4
| ←III-це пелькс | Андрей Понксарев (1936) by , edited by Лукьянов А. IV-це пелькс |
V-це пелькс→ |
| Т. А. Раптанов. Эрямос совамо. Ёвтнемат. — Мокшэрзянь государственной издательствась, Саранск, 1936. — с. 89—91 |
IV
Шкась мольсь. Андрей роботась. Валя мартояк кармась дружнасто эрямо. Но... Весть веть кие бути стукадизе Андреень кенгшенть.
— Кие тесэ?
— Монень эряви Валя, — марявсь содавикс вайгель.
Жуйк мольсь Андреень потмозо.
Валя панжизе кенкшенть. Совась Анфиса. Кодамо бути апаро кирвастизе Валянь потмонзо. Мень бути покордамосо пешкедсь седеезэ. Но сон теизе прянзо прок мездеяк а содыцякс ды мик мызолгадсь.
Омбоце чинть саизе Анфисань роботас ладямо. Но Андрей икелевгак мелявсь лиядо.
— Адя ошонть ушов, ато кияк вастасамизь, — ды тусть.
— Весе юты, роботамо тозонь ней а приматадызь. Лия лисема ки ули. Монень кемить институтсо, дай документэт, кармат тонавтнеме.
— Виде? Андрей корминецькем, а кеман, — ды палызе.
Маласо кияк арасель. Ансяк варма ялтось панцесь лембе коштонть.
Икелевгак кудов сась Андрей. Козейказо кевкстизе:
— Косо ульнить?
Андрей, евтась колмо учрежденият, божась, што эзизе ней Анфисань. Валя коть кавтолдозь, но кемсь.
Тарка лангсо мадезь Андрей кортась:
[ 90 ]— Паник, кадык туи, а аштеван, — коске курго потсо энялдсь Валя икеле.
Се шканть совась Анфиса.
— Мон сивидинь подвода, туян... — Валя ильтизе Анфисань. Зярдо мекей совась кудов, мольсь Андрей малав.
— Андрей, бути алкукс истя вечкат семия, вечксамак монь, — сюконяк пильгезэн, вешть прощения.
— Умок бу истя, коть мон овсе а чуман, но тонь кисэ, эйкакшонть кисэ куть мезе теян, — Андрей стамбарнэ пульзясь, кедензэ путынзе мештезэнзэ ду энялдсь.
— Простимак.
Институтсо Андрейнень мерсть:
— Кадык сы тонавтнеме.
Андрей кучсь Анфисанень телеграмма курок сазо. Анфиса кемсь ды эзь кеме. Яла теке эзь сырга велестэнть. Андрей дивсесь, арьсесь эзизе получа телеграмманть.
Валскенть, эщо тарка лангсо, кортась Валянень.
— Эряви молемс авидитень, евтамс, што курок шачтат. Паряк сыть знярскак. Стака ськамот ули.
— Андрей, сяткинем. Виде, иля нузялт, якак тест, монень уш пек стака, — энялдсь икелензэ Валя. Теке марто кортазевсь, — Андрей, кадыть не а паро тевтнень. Дружнасто семиясо эрямось пек паро. Иля вечк монь вакска, — ды Валя каявсь киргазонзо. Кутморясь эйсэнзэ.
— Тон сэвезь сэват эйсэн, эрямс а максат. Тон истямо ломанесь, куть теть тейть паро, куть иля, яла теке чуман. Месть тейнемс? — Андрей бойкасто мекев-васов якась комнатаванть. — Мон туинь авидитень, — сон хлопадизе кенкшенть.
— Ярсак, Андрей! Ну коть кши сайть мартот, — Валя пижнесь мельганзо.
— А ярсан, — кенкшканть лисемстэ пижакадсь Андрей ды яходсь кедьсэнзэ. Валя эрьва кода снартнесь семиянь эрямонть кемекстамо, те лангс апак вано чистэ чис берякстомсь, лавшомсь те эрямось. „Мейле мезе, [ 91 ]кадык, кадсамам, коле ломаненть седейсэ арась семиянь вечкема мель“ — арсезевсь Валя эсь потмованзо ды аварьгадсь. Валя фатясь, што меельсь шканть пек тоштямсь. Не тевтнеде икеле Валя эзь сода тошна, эзь сода сизема, яла котьмась тевсэ, яла тейсь семиясо тевть. Ней новольсь, лангозонзо прась сталмо.