Якстере теште/1924/12/Попонь кудос - школа

←Ключёвкань коряс

Якстере теште, № 12, 26 апреля 1924 г. edited by Васильев, Тимофей Васильевич Попонь кудос — школа by Платонов, Василий Аристархович

Берянь тевть→

Якстере теште. Еженедельный орган мордовской секции при Ц. К. Р. К. П. (б.). — № 12, 26 апреля 1924 г. — с. 4

 

[ 4 ]

Попонь   кудос — школа.

Секретарка Бугурусланского уезда, Самарской губ.-велись покш: колмо сядошка кардаз эйсондо; ули церкова, школа, коммунистынь ячейка ды комсомол. Велисы ули ловнома кудо (читальня) козый пурнакшныть яла эрьва чокшне од ломатне газетань ловномо, а ки аммашты ловномо — кунцолымо. Цератне якить, а аватне — а якить. Секс эрзень аватне мезияк а содыть; сынь сынць козыйгак а якить ды содамонть мельга а панить. Сексня кармасть школа панджумо, а школань кудось те шкани палць. Од ломатне саизь ды попнть кудостонзо панизь и тосо тейсть школа. Ней собраниятгак тосо тейнить. Аламонь-аламонь кармасть народонь пряпотмотне пешкедеме: курок мабуть театра як теить.

В. Платонов.