آکھ رانجھیا بھاء کیہ بنی تیرے
آکھ رانجھیا بھاء کیہ بنی تیرے
دیس اپنا چھڈ سدھار ناہیں
ویرا امبڑی جایا جا ناہیں
سانوں نال فراق دے مار ناہیں
ایہہ باندیاں تے اسیں ویر تیرے
کوئی ہور وچار وچار ناہیں
بخش ایہہ گناہ توں بھابیاں نوں
کون جمیا جو گناہگار ناہیں
بھائیاں باجھ نہ مجلساں سوہندیاں نی
اتے بھائیاں باجھ بہار ناہیں
بھائی مرن تے پوندیاں بھج بانہاں
بناں بھائیاں پر ہے پروار ناہیں
لکھ اوٹ ہے کول وسیندیاں دی
بھائیاں گیاں جیڈی کوئی ہار ناہیں
بھائی ڈھاوندے بھائی اساردے نیں،
بھائیاں باجھ بانہاں بیلی یار ناہیں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse