ပဋိဉာဉ်ခံဘွဲ့ တေးထပ်
မျိုးမြန်မာ ညှိုးရှာခဲ့မို့၊
ကိုးရာမဲ့ချိန်တွင်၊ ရိုးရာကွဲ့ မထိန်ချင်တယ်၊
ပဋိဉာဉ်ခံပွဲ၊ မြင်ရချက် ကိုယ်သဏ္ဌာန်မှာ၊
ဗိုလ်ဆန်ဆန်များကြသပဲ။
နန်းစရိုက် ကျမ်းသိုက်နွယ်တယ်၊
လွမ်းလိုက်ဘွယ် တပွဲ၊
မန်းဂိုက်နှယ် ဆင်နွှဲလို့၊
သွင်တနဲ တင့်အောင်၊
ဖော့လုံးဖြူ မြိုင်မြိုင်ထိန်းပါလို့၊
ထိုင်မသိမ်း ဝတ်လို့မြင်ယောင်။
မင်းတပါးမေအောင်မှာ၊
မှူးကေသျှောင်ကြို့ပါလို့၊
မြန်မာတို့ ကိုးကြစရာ၊
ဖြိုးကြွသမ္ဘာ၊ ဩဘာဆုခွန်းလှစ်ဖြာတယ်၊
သွန်းမေတ္တာလောင်းပါရဲ့လေး။