დამორჩილი (ფრაგმენტი)
ბჟაქ დოშურდუ, ჩხურუქ ქუდანთხჷ,
ქიმკოდინეს ვალალეფქჷ,
გვალეფს თირი ვანდღულუ დო
დეჭიჭარეს მალწყარეფქჷ…
მოწკიპატელ არაბეფსჷ
ეწოჸუნა ბაღანეფი,
ტარ-ლაიტეფით ეთმიფშაფუ
ოთხბორკამი მაღაზეფი...
ადესათი, ვარვალერი,
მახვიხვინეს ლაგვანეფი,
ახალ გითნაღელი დირფას
გამწეთ შუნა ყაზაყეფი...
ნდოლოქ დოხუმ, ჭაშ იმენდო,
ბჟა მისქირეს ორინჯეფქი,
მოონჯუეთ მარაკაშა
მინჭუაფნა რინტუეფი.
ჯალეფიშე ხუმლა-ხუმლა
მიკმოცენა ხიმფორეფი,
ირკოჩ ჸვანეფც მითიკილოთ
მა ხოლო თექ მითვორექი…