თეშ მამწარა ურწმუნო

თეშ მამწარა ურწმუნო
by ანტიპო
109344თეშ მამწარა ურწმუნოანტიპო

   
თეშ მამწარა ურწმუნო,
ვოფექი დო მა ვანობჩქვე,
ქრისტეშ შიშიშ მანგიორო,
ეშმაკიში რიდი ნობღვე.
შხვაშ იმენდო ვადოსქიდა,
მირაგადუ უჩა ძალა,
ირული დო ვეკნასქიდა,
დოშაყარე ბრელი ფარა.
შებაშ დროსი ტვინს ურჩქილი,
გიჭყოლიდე გურიშ ჭუა,
ვეიწოილუან თის დეკვირი,
ვადაინდენს სქანი სქუა.
კოჩანაშო სი ვეფიქრა,
შხვასი სი ვადუთმა შარა.
ცოდაქ ვეშკაწუხას ვარა,
ჩილამურებს ვამუღუ ფარა.
მა ქომრჩქილი ეშმაკის დო,
ამარ ვორექ სქანი ძალა,
კისერს ჯვარიშ მანგიორო,
ქიქიბუნე კოჩიშ ქალა.
ბრელს კოჩამაქ მეუდინუ,
ეშმაკიში შქურნაფილო.
კუჭიშ აზრიქ ქუდარაგუ,
ღორონთიშ შიში დინაფილო.
ლაზ-მარგალი,ზუგიდური,
მარგალეფიშ აკმაზგუმონჯალი.