სოდგა ვორდე ალმაძირუ
სოდგა ვორდე ალმაძირუ
სქან სისქვამე სამარგალო,
მუჭო დიდას მუში სკუა
თეშ მიჸორქი გოლვაფირო!
მუზმა წანაქ ვემკორთასი
თოლს მიმორე ჩილამური.
სქან ჸოროფა ჩქიმი გურსუ
დაჩხერცალო რზუ დო პჭუნცუ!
ვანორგებე გურიშ მინჯეთ
მიდგას ვაწანს სამარგალო,
ღორონთქ არძას მეჩუ შარა
ოხვამეშა მაულარი!
ერზამილი სანთელწკუმა
ღორონთს მა ვოხვეწუქუ,
დომიხვამი ჩქიმი ნანა
ჩქიმი ჭიჭე სამარგალო!