ღვინიშ შუმა ბორჯის
| ღვინიშ შუმა ბორჯის by |
| გინმათანგალი ზაალ ჯალაღონია |
ხვალე ქომიკმოჯინი დო სისქვამა ჰალამო ქომომძინი.
გაგწოიღი, ჩქიმ რდუკონ თეში
დო, ბედინერც მურიცხიქ იშო გემაყინტუ.
დუც ქომებჩი ალობა ქაწიბრინეკონ,
სქან თოლეფიშ ენარზა ვორდენი
კინე სქან თოლეფც ნაძირეფუ.
ფსხაპუნქ, ფსხაპუნქ დო უმუსვანჯებუო
ირსიოლნა ჩქიმ კუჩხეფი.
დიარა- დიარა რე, ღვინ- ღვინ რე,
ჭირქას ნამუთ ჭირქა რენი დო
გილადგჷ, უხონარეთ ტაბაკის.
მა დუდშე დოჸუნაფილ კუჩხიშა, გუმოგონილ ვორექ,
თინერო გუმოგონილი, მინშა მაძიცინუაფ ჩქიმო.
გეჩიებუქ მუშოთ მოკონი: ბუტუტიეფშე
ჸოროფაშ გურშენი ღურუნანი
ბაბჟაკიაშ ხურჭკუმიშ თუდო,
გარწუმე ნამდა ჩე პეული ქოიბირც
ღვინ ქომიკუჩხაპე-და.
იბძიცა, დუს დუთმუკინა რთხილას,
ითამ ქიმიურ გამორსას ვოკვირუდე.
ავრეშე ფსხაპუნქ, ფსხაპუნქ ჩქიმ თოლმუნორთელ კანიშ ინოხ,
სქან ხელეფი აკმობშაყარანა.
ევა- ხასლაშ ჸვილიშე, ვენერა- ჟვეპურიშე,
მინერვა- იუპიტერიშ დუდიშე-,
ინეფ ჩქიმ უმოს ნანდულეფ რდეს.
მუჟამც სი ვა მიჯინექუნ,
მა ჩქიმ ენარზას კიდალას მიკიბგორუქ
დო ხვალე ლისმარს ვორწყექ,
სოლეშეთ სურათი მუკონწყესუნ.