Kanon lautön vobukis glamatik natapükas no sato popiko dabalanes lemödik, no laböles lomoà stabiki kulivi glamatik. At velat aizitom sägo tefü vp. obsa; do vp. läsevamo kanom palenadön levemo nefikulo. Sikod ebekon obsi, mekön segivoti glamata vpk. obsa somiki, kel binomös ledunlüno pebevoböl lesuemöfo ä popiko! — Ainolobs se plàk kilseyelik, das fom popikün ä valemiko kapälnikün buka sembal aibinom fom katekìk. Sikod egivobs fomi at vobukile isaèt, e binobs valädöl fümo, das vp. id in klot at otuvomös nulikis flenis, gönelis e pakelis lemödik al tum milis flenas jünuìk volapüka!
Konstanz, 1889, 3, 31.
Datikel vpa.