yon na lampara na mga hale sa China mga languban na mayong mga bayong, mga gayonggong nin kinayanga, mga gadahon asin mga bughaw na bubog, mga aralang o mga roloyos nang looylooy, mga pinaalang na sirang botete, asin iba pa, na minatapus, sa gamping hampang sa salog, an mga magagayon na mga pagbong kahoy, kabtang gibong intsik, kabtang gibong europeo, na may mga nagkakanap na mga tinanom asin mga salasala na may nagkikiritaykitay na mga saradit na farol na manlaenlaen an kiray.
Iritoon sa bidang su mga makaraon, sa tahaw nin mga darakilang salming asin mga masasagang ilaw: sa ibabaw nin sarong patugmaran na kahoy na pino (7), napapatikaw an sarong marayrahay na pianong de cola na halangkawon an halaga, asin lalong mahalaga ngunian na banggi ta daing nagtotogtog. Itoon duman an sarong dakilang pintura nin sarong magayon na lalaki, na nagugubingan nin frac, mabaskog, tanos, siring kan sogkod na may borlas na kapot kan saiyang mga makikisil na mga moro na nasosolotan nin mga singsing, su ladawan baga nagsasabi;
“!Ehem! hilinga an sakong sol-ot asin ini bakong karawkaraw lamang!”
Su mga tukawan asin su mga latok anas mga marayrahay, sakale daing gayo nakakaangay, asin bako man na mga malinig, dai sa isip kan kagrogaring kan harong an marhay na ginhawa kan saiyang mga inanyayahan, kundi an pagpamantaag kan saiyang gahos. Makangingirhat an kulatid, alagad makaano man, ta nagtutikaw man kamo sa mga sillbn na mga harale sa Europa, asin ta an bagay na ini bihira nindong makamtan, sakale siring an sabi sainda kan retrato.
Haros pano nin tawo su bidang, su mga lalaki bulag man sa mga babaye, siring sa mga simbahan na catolico asin sa mga sinagoga. Su tumpok nin mga babaye binibilog nin nagkapirang filipina asin espatiola, binobuka an saindang mga abanico, pahanga sindang maghiringhingan nin ano man na mga tataramon, ano man na mga olayolay napapara sa ramoramong pagtaram, siring sa mga ribok na nadadangog kun banggi sa laog kan harong, ribok na gikan sa dinalagan nin mga kino asin kinaragnas nin mga tagaw. Sakale, an mga cuadro kan manibaibang ladawan kan Nuestra Seniora na nagkakasarabit sa lanob an nakapirit sainda
