17 Ja munji – man divrasak læk du jurddagak, muo Ibmelam; man stuores dai ædnagvuođak læk.
18 Aigom mon daid lokkat, de dak æmbo læk go saddočalmek, mon goccam, ja vela ain du lut læm.
19 Vare don, muo Ibmelam, goddet aigušik dam ibmelmættom, ja di sorbmimolbmak, vuolgget muo lut erit,
20 dak, guđek du bægotek bahha arvvalusaid (oudedam varas), guđek (du namad) duššalaǯǯan valddek, du vuosstaičuoǯǯok.
21 Imgo daid vašotet galgašim, guđek du vašotægjek læk, hærra, ja sin fastašet, guđek du vuosstai čuoǯǯelek?
22 Olles vašin sin vašotam; muo vašalaǯak si læk.
23 Guoratala muo, muo Ibmelam, ja dovda muo vaimo; sogardala muo ja dovda muo moaddelaǥaš jurddagid,
24 ja gæča, jos bafčasi gæino mon vagjolam, ja
doalvo muo aǥalašvuođa gæino mield. Sal. 32, 10.
140. Salma.
David rokkadalla Ibmelest besstujume su vašalaǯaides gavvelvuođast, ja bættolašvuođast, 2–9, ja dietta nanoset, atte si hævvanek, ja atte dak ædnami deddujuvvum vanhurskasak besstujuvvujek, 10–14.
1 Lavllomoapatægjai; David salma.
2 Bæste muo, hærračam, bahha olbmuin, varjal muo vækkavaldalaǯain,
3 guđek bahaid arvvalæmen læk vaimost, guđek juokke bæive doarrom varas čoagganek.
4 Sin njuofčamid si bastelen dakkek nuftgo gærmaš,
dæččalaggamirkko læ sin bofsamidæsek ald. Sela. Sal. 64, 4. Rom. 3, 13.
5 Varjal muo, hærram, ibmelmættomi gieđain, varot muo vækkavaldalaǯain, guđek arvvalæmen læk muo julgid jorralattet.
6 Čævlas olbmuk gielaid ja garaldaǥaid čiekkam
