Page:Tain Bo Cuailnge.djvu/26

This page has been validated.
14
TÁIN BÓ CÚAILNGE

assa c[h]arpat[1] feisin dosmbert[2] a talmain, co nacadar[3] ba ōenleūd a bun. “Is tabartha do airi,” ol Oilill, “indus in cheneōil[4] cosatīagam. Ergnad[5] cāch hūaib a bīad—nīrbo sām dūib[6] irrāir lasin snechta—⁊ indister dūn nī do imtheachtaib ⁊ do airscēlaib in c[h]eneúil cusatīagam.”

Is andsin t adfeasa dōib imthechta Conculaind. Imchomairc[7] Ailill iarum: “Inn ē Conchobar dorigne inso[8]?” “Nāch ē,” or[9] Fergus; “nī terghadside[10] co hor crīchi cen līn catha imbi.” “Ceist. inn ē Celtchair[11] mac Cuithidir[12]?” “Nāch hē. Nī thargadside co hor crīchi cen līn catha imbi.” “Ceist. inn ē Eōgan mac Derthacht[13]?” “Nāch ē,” ol Fergus, “nī thargadside tar or chrīchi[14] cen tricha cēt carpat[15] nimrinn imbi. Is hē fer dogēnad in gnīm,” ol Fergus, “Cūc[h]ulaind; is ē nobenfad a crand ōenbēim[16] dia[17] bun, ⁊ nogēnad in cethrar in praipi[18] rombītha, ⁊ daragad[19] dochom crīchi ⁊ a ara.”

“Cindus fer,[20]” ol[21] Ailill, “in Cū rochūalammar la hUltu? Cia ǣs in gilla[22] sin is airrdric[23]?” “Nī ansa, ēm,” ol Fergus; “inna [18a] c[h]ūiced blīadain luid dia chuindchid[24] gasgid[25] cusin macraid do Emain Macha[26]; isin seachtmad[27] blīadain luid do foglaim gaiscid ⁊ cleas[28] la Scāthaich,[29] ⁊ luid do thochmorc nEmeiri[30]; isinn ochtmad[31] blīadain gabais gaisced. Isin seachtmad[32] blīadain dēc a ōes ind inbaidsi. “Ann ē[33] sin as ansam fil la hUltu?” ol Medb. “For cach nāi ēm,” ol Fergos. “Nī fairgēbasu ar do chind lǣch bas ansum,[34] nā rind bis āithighiu,[35] nā fīach bus feōilchairiu[36] nā bas bus athluime, nā lāth bus luindiu, nā comlond aesa[37] radsia co trian,[38] nā leō bus feochra, nā clāriudh[39] comlaind, nā hord esoircne,[40] nā comla ergaile, nā brāth for buidne, nā hergairi mōrslūaig bas indraiciu. Nī

  1. charput LU.
  2. dosbert LU.
  3. ɔaca LU.
  4. oi added later under the line
  5. érgnad LU.
  6. dóib LU.
  7. airc on an erasure: imcomarc LU.
  8. seo LU.
  9. ol LU.
  10. The mark of aspiration is later
  11. Celtchar LU.
  12. Uthidir LU., recte
  13. Durtacht LU.
  14. tar or co cocriche LU.; leg. tar or cocriche
  15. MS. cairp˘: cen tríchait carpat LU.
  16. óenbémim LU.
  17. a added later under the line: di LU.
  18. in cethrur ucut hi prapi LU.
  19. doragad LU.
  20. cinnas fir LU.
  21. or LU.
  22. gillai LU.
  23. irdairc LU.
  24. There is a dot above and a dot below the first h
  25. dia chuindchid gasid; gasgid added later over the line: dia cluchiu LU.
  26. Machi LU.
  27. isint ṡessed LU.
  28. chless LU.
  29. Scáthaig LU.
  30. ⁊ luid ... Emeiri om. LU. LU. has a marginal note: obicitur tochmarc Emire deso
  31. isint sechtmad LU.
  32. isint sechtmad LU.
  33. inn é LU.
  34. The siglum for m is later: andsu LU. recte
  35. An erasure between the first h and i; the mark of aspiration is later: bas áigthidiu ná bas altnidi ná bas athlaimi LU.
  36. nā fīach .... luindiu: nó láth bas luinniu ná fiách bas feólchairiu LU.
  37. a ǽsa LU., recte
  38. ródsá co trián LU.
  39. Aspiration added later: cláriud LU.
  40. In hord the mark of aspiration is later: hórd esorcthe LU.