baius[1] ogum ina tāib. Is ed robōi and, arnā dechsad nech seccai[2] condribuilsed[3] eirr[4] ōencharpait. [23a] Fochertad a puipli i suidiu ⁊ dotīagat dia lēimim inna cairpthib.[5] Dofuit tricha ech oc suidi[6] ⁊ brister[7] tricha carpat and. Bēlach nĀne iarum as[8] ed ainm na maignisin co brāth.
Bīit and co arabārach. Congairt[h]er Frōech mac Fidaig[9] dōib. “Tonfōir, a Frōich,” ol Medb, “dichosctarad[10] dīnd[11] ind ēigin[12] fil forn. Ēirg dūnd ar cind[13] Conculaind dūs in comrasta fris. Toccomla[14] ass maitin moch[15] nōnbor co mbāi[16] oc Āth Fūait. Co naccai in nōclaig oca ḟothrocod isinn[17] abaind. “Anaid sunn,” or Frōech ria muinter,[18] “conidrolursa frisin fer nucut; ni maith i nusci,” orse. Tīscaid a ētach de. Tēiti[19] isin uisci[20] a dochum. “Nā tair ar mo chendsa,” or Cūchulaind.[21] “Adbēla de, ⁊ is trōg lim do marbad.” “Ragad ām,[22]” ol Frōech, “co comairsem isinn uisci,[23] ⁊ bad c[h]ert do chluichiu[24] frim.” “Commiti sōn amal bas maith lat,” or Cūchulaind. “Lām cechtar nāt[h]ar im araile,” or Frōech. Atnagaid co cēin mōir oc imt[h]rascrad forsinn uisci[25] ⁊ bātir Frōech. Tanōccaib sūas afrithisi. “In dulso,” or Cūchulaind,[21] “in didma t’anoccol?” “Nochodidem,[26]” or Frōech. Atanaig[27] Cūc[h]ulaind[21] foii athirrach[28], conidappad Frōech. Docuirethar for tīr. Beraid a muinter a choland[29] co mbōi isin dūnad.[30] Āth Frōeich is ed ainm inn[31] āthasin co brāth. Cāinti inn dūnad[32] uile intī[33] Frāech. Co naccadar banchuire i ninaraib hūainib for colaind Frūich maic Ḟidaid.[34] Facesad[35] hūaidib isa sīth. Sīth Frōich ainm in shīda[36] iarum. Lingid Fergus tarsin nomnai ina charput. Iar[37] slicht aile seo .i. tīagat as iarum co mbātar oc Āth Meislir. Toscara Cūchulaind seisiur dīb and .i. Meislir ⁊ reliqua.
Tīagad ass[38] iarom hi Fornocht. Cuilēn la Meidb, Baiscne a
- ↑ scribais LU.
- ↑ sechai LU.
- ↑ conribuilsed LU.
- ↑ err LU.
- ↑ carptib LU.
- ↑ sudiu LU.
- ↑ brisit˘ LU. leg. brīstir
- ↑ iss LU.
- ↑ mac Fidaig om. LU.
- ↑ díscart LU.
- ↑ dín LU.
- ↑ in nécin LU.
- ↑ leg. ar chenn
- ↑ Tocumlai LU.
- ↑ mattain muich LU.
- ↑ mbói LU.
- ↑ isind LU.
- ↑ fria muintir LU.
- ↑ After this a letter (s?) has been erased: Téit LU.
- ↑ isin nusci LU.
- ↑ 21.0 21.1 21.2 Cú LU.
- ↑ Ragat óm LU.
- ↑ isind usciu LU.
- ↑ bad chert do cluchi LU.
- ↑ forsind usci LU.
- ↑ nocodídem LU.; leg. nícondidem
- ↑ Atnaig LU.
- ↑ fói atherruch LU.
- ↑ cholaind LU.
- ↑ dúnud LU.
- ↑ ind LU.
- ↑ Cóinti a ndúnad LU.
- ↑ om. LU.
- ↑ Idaid LU.
- ↑ Focessat LU.
- ↑ int sida LU.
- ↑ Iar...reliqua: Tíagait co mbátár oc Ath Taiten. Toscara Cú sessiur dib and .i. sé Dúngail Irruiss LU.
- ↑ Tíagait ass LU.
