Satira
Dins Clarmont, superba viala
Qu'aus grands cornards se sinhala,
Se'n s'enquerir dins los faus-borgs,
Trobèt daus asnes tots los jorns.
I a d'asnes una companhiá5
Qu'i montariá una academiá;
Car i a daus asnes estudians
Que son devenguts presidents.
Ne'n z-an vegut dire la messa;
I a daus asnes dins la justiça10
Qu'an un assez brave exterior :
I z-o aussí daus procurors,
Ren de pus abile qu'un asne.
Se n'es vegut un capitanhe;
Mon oncle André m'a z-o contat,15
Es quo, o non, la veritat?
I a daus asnes apoticaris;
Puèi n'i a que son estats notaris :
Dison que n'i a de medecins;
Iu z-o vole ben creire aussí.20
Car sèi pas dau tot incredule:
Iu traite ben sens screpule,
Un medecin de charlatan :
Tot coma d'asne un ignorant.
Mai iu vau : mai iu z-o profonde;25
Que l'i a d'asnes dins le monde!
Enfin coma i a daus volurs,
I a daus grefièrs, daus procurors;
I a daus abiaus, daus chanoenes
Au monde coma i a daus asnes30
Per çai, per lai son escartats,
N'i a de totas las qualitats :
Sens comptar 'quòs de mancha larja,
I a quo pas los asnes de charja
Que se 'pèlan los païsans?35
I a ben segur daus asnes blancs?
I a 'gut mai daus asnes poètas,
I a daus astrològues, daus profètas
Que son dieu estat, a liur torn,
Daus asnes fotuts per l'amor.40
Car, d'après la metempsicòsa,
D'èstre bidet quo-es quauqua chausa.
Après la mòrt, un ignorant
Reven au monde asne savant :
E cresatz pas que iu vos fable:45
Reven un asne veritable.
Esòpa vos z-o contarà,
Pitagòra vos provarà
Qu'un asne a biaucòp de chança;
Vos z-o creiretz per consequença.50
Maistre Despreaux n'o i a pas dit
Qu'un asne 'bilhat z-es pus fin
Qu'un magistrat, qu'un moene, un pèstre.
Que n'i a d'aquòs que durián paistre?
Enfin, 'bei tota quòs temoenhs,55
z-Aurai vòstre consentament
De signar dins mon catalògue
Ente i mancava un pedagògue,
Un asne de la Sauvetat,
Per faire figura e societat.60