Surtub yuzumi tun kecha dildor eshigida...
Surtub yuzumi tun kecha dildor eshigida,
To subh umidim edi diydor eshigida.
Ko‘rmak tilabon orazi xurshid misolin,
Bor erdi ko‘zum tonggacha bedor eshigida.
Nogah yuzi sha’shaasi jong‘a solib o‘t,
Kul qildi vujudimni bayakbor eshigida.
Gar ko‘rsa jamolin bo‘lur erdi mahi Kan’on
Jon naqdin etib sarf xaridor eshigida.
Har subh nedin yerg‘a qo‘yar chehrai zarrin,
Xurshid agar bo‘lmasa bemor eshigida.
G‘am shomi ul oy ko‘yida gardung‘a chekib oh,
Ko‘z yoshim erur kavkabi sayyor eshigida…
Savdozadalar nolasidin kunda bo‘lur garm,
Yuz-yuz qiyomat kabi bozor eshigida.
Ne xizmatinga kim yuz yil agar tursa urub bosh,
Shahlarg‘a qachon bo‘lg‘usidur bor eshigida.
Dardoki qilur ul buti Chin noz uza yuz noz,
Harchand niyoz aylasam izhor eshigida.
Ravnaq harami ko‘yig‘a yetkanga erur farz,
Gar Ka’ba tavofi ko‘rinur or eshigida.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse