Паксять морасан/Паксяти

(Redirected from Паксяти)
Паксять морасан  (1932)  by Безбородов, Михаил Ильич
Паксяти
М. Безбородов. Паксять морасан. Государственное издательство художественной литературы, Моску, Ленинград, 1932.

[ 19 ]

ПАКСЯТИ


Вай пакся, пакся,
Сокаень пакся,
Пяшкся сёрода
Кизонда ланкця.
Танга покайда —
Модань сокайда,
Стерьда, авада —
Акша паляда.
Сембя покодихть,
Сёрот урядайхть,
Капанят
Лангозот марайхть.
Пяшкся пря росьнень
Синь урядасазь,
Мельгаст пинепнень
Лангстот нарасазь.

[ 20 ]

Ванат, люкшятьневок
Пряснон комафцазь,
Медю панчфкаснон
Товса полафцазь.
Товсна пачкодихть,
Нусазь, тялясазь,..
Колхозникня, паксянь
Тевснон мяляфцазь.
Шинь-шишка лангсот
Мяньцесазь копснон,
Пси шинять кяцта
Пицефцазь ронгснон.
Сельмя ведькс лиси
Ливскясь шамастост,
Акша шиньф моли
Начка панарстост.
Тяфтаня, пакся,
Сёра аноклайхть...
Эх, курок танга
Якшапня сайхть.
Вов ни сёксеськя,
Венельсь якшама,
Сянкса перьф пяльдя
Тонь лангця шава.

[ 21 ]

Аньцек постуфонь
Мора маряви.
Эх, курок, курок
Тялось саттанза,
Лов алу пакся,
Тундас каттанза.
Тунданять самс
Сокаень морот
Лангсот аф марят.