ಬಯಕೆ ಬಳಸುನೆ
ಬಯಕೆಡ್ ಮುಖ್ಯವಾದ್ ಮೂಜಿ ಕ್ರಮಕೊಲು ಉಂಡು
ಒಂಜಿ ಕೋರಿ ಪತ್ತ್ ಬುಡ್ಪುನ ಪೂ ಸೀರೆ ಕೊರ್ಪುನ ಬೊಕ್ಕೊಂಜಿ ಬಂಜಿನಾಳೆಗ್ ಬಳಸುನ
ಕೋರಿ ಪತ್ತ್ ಬುಡ್ದಾದ್ ಬಂಜಿನಾಲೆಗ್ ಪೂ ಸೀರೆ ಬಂಗಾರ್ ಕೊರ್ದು ಉಪ್ಪುವೆರ್
ಅಂಚ ಕೊರ್ನ ಸೀರೆನ್ ಬಂಜಿನಾಲೆಗ್ ತುತ್ತಾದ್
ಐತ ಮನ್ತ್‌ದ್ ಅಂಚನೆ
ಕಂಡನಿ ಇಲ್ಲಡೆಡ್ದ್ ಕೊರ್ನಂಚಿನ ಬಂಗಾರ್‌ನ್ಲ ಅಳೆಗ್ ಪಾಡ್ದ್
ಕೈಕ್ ಕೈ ನಿಲಿಕೆ ಬಣ್ಣ ಬಣ್ಣದ ಕುಪ್ಪಿದ ಕಾಜಿಲ್ ಪಾಡ್ದ್
ತರೆ ಬಾರ್ದ್ ತರೆಕ್ ಮೂಜಿ ಬಗೆತ, ಐನ್ ಬಗೆತ ಅತ್ತ್ಂಡ ಏಳ್ ಬಗೆತ
ಪೂ ಮುಡಿಪುನ ಕ್ರಮಲ ಉಂಡು ಬಯಕೆದಾನಿ
ಅಂಚ ಪೊರ್ಲುಡೆ ಆಳೆನ್ ಐತ ಮಲ್ತ್‌ದ್
ಒಂಜಿ ಕುರ್ಸು ದಿಡ್ಡ್ ಆಳೆನ್ ಕುಲ್ಲಾವೆರ್
ಕುಳ್ಳದಾದ್ ಅಳೆನ ಎದುರುಡು ಒಂಜಿ
ಮಲ್ಲ ಬಾರೆದ ಇರೆ ಪಾಡ್ದ್
ಆ ಬಾರೆದ ಇರೆಟ್ ಒಂಜಿ ಮೈಟ್
ನುರ್ಗೆದ ತಪ್ಪುದ ಉಪ್ಪುಕರಿ ಬಳಸುವೆರ್
ಬೊಕ್ಕೊಂಜಿ ಮೈಟ್ ಅರಿ ಪೊತ್ತುದು ಪೊಡಿ ಮಲ್ತ್‌ನ
ಅರಿತ ಉಂಡೆ ಬಳಸುವೆರ್
ಅವೆಡ್ದ್ ಬೊಕ್ಕ ಪೊರಿ ಬಜಿಲ್
ಮೊರೆತ್‌ದ್ ಬಳಸೊಂದಿತ್ತೆರ್ ದುಂಬು ಪೂರಾ
ಇತ್ತೆ ಖಾಲಿ ಪೊರಿ ಬಳಸ್‌ದ್ ಅವೆತ ಮಿತ್ತ್ ಬಜಿಲ್ ಬಳಸುವೆರ್
ಪಂಡ ಅವ್ವು ಬೇಗ ಹಾಳಾಪುಂಡು ಪನ್ಪುನ ಉದ್ದೇಸೊಡು
ಪೊರಿ ಬಳಸ್‌ದ್ ಆದ್ ಬಜಿಲ್ ಬಳಸುವೆರ್
ಬಳಸ್ಸ್‌ದಾದ್ ಅಯಿತ ಮಿತ್ತ್ ಬಂಜಿನಾಲೆಗ್
ಇಷ್ಟವಾಯಿನ ತೆನಸ್ಸ್‌ಲ್ ಪಂಡ
ಒವ್ವೊವ್ವು ತೆನಸ್ಸ್‌ಲ್ ಮಾತ ತಿಕ್ಕುಂಡೊ
ಅವೆನ್ ಪೂರಾ ಬಳಸೊಡು
ಲಾಡ್ ಚಕ್ಕುಲಿ ಜಿಲೇಬಿ ಮೈಸೂರು ಪಾಕ್
ಸಾಟ್ ತುಕ್ಕುಡಿ,ಸುಕ್ರುಂಡೆ ಇಂಚ
ಒವ್ವು ಮಾತ ತಿಂಡಿಲು ತಿಕ್ಕುಂಡೊ ಅವೆನ್
ಪೂರಾ ಆಳೆಗ್ ಬಳಸುವೆರ್
ಅಂಚ ಬಳಸ್ಸ್‌ದಾದ್ ಅಯಿಡ್ದ್ ಬೊಕ್ಕ
ಪರ್ಂದ್‌ಲು ಪಂಡ ಹಣ್ಣು ಹಂಪಲು
ಆಪಲ್ ,ಮುಸುಂಬಿ,ದ್ರಾಕ್ಷೆ ,ಚಿಕ್ಕು ,ಪೇರಲೆ
ಇಂಚ ತಿಕ್ಕುಂನಂಚಿನ ಮಾತ
ಕುಕ್ಕು ಇಂಚ ತಿಕ್ಕುಂನಂಚಿನ ಮಾತ ಪರ್ಂದ್‌ಲೆನ್ಲ
ಬಂಜಿಲಾಳೆಗ್ ಬಳಸುನ ಕ್ರಮ.
ಅಯಿಡ್ದ್ ಬೊಕ್ಕ ಮುಖ್ಯವಾಯಿನ ಬೊಕ್ಕೊಂಜಿ ಕ್ರಮ ಪಂಡ
ಪಿಂಗಾರ ಮುಡಿಪುನವು.
ಅವ್ವು ಬಂಜಿನಾಲ್ನ ಕಂಡನಿ ಆನಿ ಅಲೆಗ್ ಒಂಜಿ ಪಿಂಗಾರ
ಮುಡಿಪುನ ಕ್ರಮಲ ಉಂಡು
ತರೆಕ್ ಬಂಜಿನಾಲ್ನ ಕಂಡನಿ ತರೆಕ್
ಮುಂಡಾಸ್ ಕಟ್ಟ್‌ದ್ ಕಂಗ್‍ಡ್ಡ್ ದೆತ್ತ್‌ನಂಚಿನ
ಪಿಂಗಾರೊನು ಪುಡತ್‌ದ್
ಅಯಿಟ್ ನಲ್ಲಿ ಇತ್ತಿನ ಪಿಂಗಾರೊನು ನಾಡ್ದ್
ದೆತ್ತ್‌ದ್ ಅಳೆನ ತರೆಕ್ ಆನಿ ಆಯೆ ಮುಡಿಪುನ ಒಂಜಿ ಕ್ರಮ
ಉಂದು ಬಯಕೆಡ್ ಬೊಕ್ಕೊಂಜಿ ಮುಖ್ಯವಾಯಿನ ಕ್ರಮಲ ಆದುಂಡು
ಪಿಂಗಾರ ಮುಡಿಪುನಂಚಿನ ಕ್ರಮ.
ಉಂದು ಆಯಿನೆಡ್ದ್ ಬೊಕ್ಕ
ಬಂಜಿನಾಲೆಗ್ ಪಿಂಗಾರ ಮುಡಿತ್‌ದ್ ಆಯಿನೆಡ್ದ್ ಬೊಕ್ಕ
ಬಂಜಿನಾಳೆಗ್ ಐನ್ ಅತ್ತ್ಂಡ ಏಳ್ ಮುತ್ತೈದೆಯೆರ್ನಕುಲು ಆರತಿ ಮಲ್ಪುವೆರ್
ಬಂಜಿನಾಲೆಗ್ ಆರತಿ ಮಲ್ತ್‌ದಾತ್
ಬಂಜಿನಾಲೆಗ್ ಪೇರ್ ಅತ್ತ್ಂಡ ಕಲಿ
ದುಂಬುದ ಕಾಲೊಡು ಕಲಿ ಕೊರೊಂದಿತ್ತೆರ್
ಇತ್ತೆ ಕಲಿ ತಿಕ್ಕುಜಿ ಪನ್ಪುನ ಉದ್ದೇಸೊಡು ಪೇರ್ ಕೊರ್ಪೆರ್
ಅಂಚ ಬಂಜಿನಾಳೆಗ್ ಕಲಿ ಕೊರ್ಪುನ ಪದ್ದತಿಲ ಉಂಡು
ಬತ್ತಿನಕುಲು ಪೂರಾ ಹಿರಿಯೆರ್ ಕಲಿಯೊ ಪೇರೊ ಬಂಜಿನಾಳೆಗ್ ಕೊರ್ದು
ಎಡ್ಡೆ ರೀತಿಡ್ ಪೆದ್ದ್‌ದ್ ಎಡ್ಡೆ ಬಾಲೆನ್ ಪಡೆಲ
ಪಂದ್ ಆಶೀರ್ವಾದ ಮಲ್ಪುನಂಚಿನ ಕ್ರಮ ಬತ್ತಿನ ಬಿನ್ನೆರ್ ಪೂರಾ ಪೇರಾ ಕಲಿಯ
ಕೊರ್ದು ಆಶೀರ್ವಾದ ಮಲ್ಪುವೆರ್ ಆಯಿ ಬೊಕ್ಕ ಪೇರ್ ಕೊರ್ಪುನ ಕಲಿ ಕೊರ್ಪುನ ಆಯಿನೆಡ್ದ್ ಬೊಕ್ಕ
ಅಲೆಗ್ ರಡ್ಡ್ ಜೋಕುಲೊ ಅತ್ತ್ಂಡ ಏತೊ ಜೋಕುಲೆಗ್ ಆಲ್ ಅಯಿನ್
ಅಳೆಗ್ ಬಳಸಿನ ತಿಂಡಿಲೆಡ್ಡ್ ಆಲ್ ಕೊರ್ಪುನ ಪದ್ದತಿ ಉಂಡು
ಕೆಲವು ಕಡೆಟ್ ಜೋಕುಲೆ ದೆತೊಂದು ತಿನ್ಪುನಂಚಿನ ಪದ್ದತಿಲ ಉಂಡು
ಅಲ್ಪ ಇತ್ತಿನಾತ್ ಜೋಕುಲು ಬತ್ತ್‌ದ್ ಇಷ್ಟವಾಯಿನ ತಿಂಡಿಲೆನ್
ಅಕುಲು ದೆತ್ತ್‌ದ್ ತಿನ್ಪುನಂಚಿನ ಕ್ರಮ
ಅಯಿಡ್ಡ್ ಬೊಕ್ಕ ಬಂಜಿಲಾಳೆಗ್ ಬೋಡಾಯಿನಾತ್ ಅಯಿಟ್ ಬಳಸ್ಸ್‌ನೆಟ್ಟ್
ಬೋಡಾಯಿನಾತ್ ಅಳೆಗ್ ಇಷ್ಟ ಆಯಿನ ತಿಂಡಿನ್ ಪೂರಾ ಆನಿ ತಿನೊಡುಗೆ
ಅವ್ವು ಪೂರಾ ಆಳ್ ತಿಂದ್‌ದ್ ಆಯಿನ ಬೊಕ್ಕ
ಆ ಬಳಸಿನಂಚಿನ ತಿಂಡಿ ಪೂರಾ ದೆತ್ತ್‌ದ್ ಅಂಚಿ ಅಯಿನ್ ಅಂಚಿ ಬರಿಕ್ ದೀಪೆರ್
ಅಯಿಡ್ದ್ ಬೊಕ್ಕ ಆಳೆಗ್ ವನಸ್ಸ್‌ಗ್ ಇರೆ ಪಾಡುವೆರ್
ಆಲೆಗ್ ವನಸ್ಸ್ ಬಳಸಿನ ಬೊಕ್ಕನೆ
ಬತ್ತಿನ ಬಿನ್ನೆರೆಗ್ ವನಸ್ಸ್ ಪಾಡುನ ಕ್ರಮ ಬಯಕೆಡ್
ಅಂಚ ಆಳೆಗ್ ವನಸ್ಸ್‌ಗ್ ಇರೆ ಪಾಡುವೆರ್
ಮಲ್ತಿನಂಚಿನ ಬಗೆ ಬಗೆತ ಭಕ್ಷ್ಯಲೆನ್ ಪೂರಾ
ಆಳೆನ ಇರೆಕ್ ಬಲಸುವೆರ್ ಆನಿ ಆಸೆ ಇತ್ತಿನ ವಸ್ತ್‌ನ್
ಪೂರಾ ಆನಿ ತಿಂದ್‌ದ್ ಬಂಜಿ ನಿಲಿಕೆ ತಿನೊಡು ಪನ್ಪುನ ಕ್ರಮ
ಅಂಚ ಆಳ್ ಆ ಬಳಸಿನಂಚಿನ ವನಸ್ಸ್‌ನ್ ಪೂರಾ
ಉಂಡ್‌ದ್ ಆಯಿನೆಡ್ದ್ ಬೊಕ್ಕ
ಆಳೆನ್ ಕಂಡನಿ ಇಲ್ಲಡೆಡ್ಡ್ ಅಪ್ಪೆ ಇಲ್ಲಡೆ
ಪೆದ್ದೆರೆಂದ್ ಕಡಪುಡುನ ಕ್ರಮ ಬಯಕೆಡ್
ಅಂಚ ಆಳ್ ಕಂಡನಿ ಇಲ್ಲಡೆ ಪೋನಗ ಮಟ್ಟೆಲ್ ದಿಂಜಾವುನ ಕೆಲವು ಜನ ಪನ್ಪೆರ್
ಕೆಲವು ಜನ ಸಕಣ ಕಟ್ಟುನೆಂದ್ ಪನ್ಪೆರ್
ಪಂಡ ಆಳೆಗ್ ಪೆದ್ದ್‌ನಗ ಆರೈಕೆಗ್
ಬೋಡಾಯಿನಂಚಿನ ಪುಲ ಮರ್ದ್‌ಲ್ ಓಮ ಮುಣ್ಚಿ ಎಡ್ಡೆ ಮುಣ್ಛಿ
ಇಂಚ ಪೂರಾ ಅಯಿನ್ ಕಂಡನಿ ಇಲ್ಲಡ್ದ್ ಕೊರ್ಪುನಂಚಿನ ಕ್ರಮ
ಅಯಿನ್ ಕಟ್ಟ್‌ಡ್ ಆಳೆನ ಮಟ್ಟೆಲ್‌ಗ್ ಪಾಡ್ಂಡ
ಆಳ್ ಅಯಿನ್ ಪತೊಂದು ಸೀದಾ ಪೋಪುನಂಚಿನ
ಒಂಜಿ ಕ್ರಮ ಉಂದು ಬಯಕೆದ ಕ್ರಮ