[᭑᭕ 15B]
᭑᭕
ᬦᬫᬮᭀᬦ᭄ᬮᭀᬦᬦ᭄᭞ᬢᬦ᭄ᬤ᭄ᬯᬧ᭄ᬭᬧ᭄ᬢ᭞ᬳᬋᬧ᭄ᬦᬶᬂᬕᭂᬤᭀᬂᬧᬮᬶᬗ᭄ᬕᬶᬄ᭞ᬓᬬᬗᬦ᭄ᬭᬶᬂᬚ᭄ᬭᭀᬦᬶᬂᬳᬮᬲ᭄᭟ᬭᬭᬶᬲ᭄ᬳᬶᬤᬫ᭄ᬧᬸᬤ᭄ᬯᬶᬚᬾᬦ᭄ᬤ᭄ᬭᬰᬓ᭄ᬢᬶ᭞ᬓᬭᬵᬃᬭ᭄ᬬᬵᬦ᭞ᬩᬦ᭄ᬳᬶᬓ᭄ᬭᬫᬤᬾᬰ
ᬧ᭄ᬭᬡᬫ᭄ᬬᬳᬮᭀᬦ᭄ᬳᬢᬸᬭᬾ᭞ᬳᬗ᭄ᬕᬶᬄᬭᬢᬸᬲᬂᬫᬳᬵᬫ᭄ᬧᬸ᭞ᬦ᭄ᬤᬯᭂᬕ᭄ᬢᬶᬢ᭄ᬬᬂᬫᬳ᭠ᬢᬹᬃᬲᬶᬲᬶᬧ᭄᭞ᬫᬗ᭄ᬤᬲᬂᬫᬳᭂᬫ᭄ᬧᬸᬫᬜᭂᬓᬃ᭞ᬭᬶᬂᬕᭂᬤᭀᬂᬧᬸᬦᬶᬓᬸ᭞ᬬᬦ᭄ᬤᬸᬭᬸᬂᬧᭀᬮᬶᬄᬫᬜᭂ
ᬓᬃ᭞ᬲᬂᬫᬸᬦᬷᬦ᭄ᬤ᭄ᬭᬵ᭞ᬢᬦ᭄ᬤᬤᭀᬲ᭄ᬧᬘᬂᬗ᭄ᬮᬶᬦ᭄ᬢᬗᬶᬦ᭄᭞ᬕᭂᬤᭀᬂᬓᬬᬗᬦ᭄ᬧᬸᬦᬶᬓ᭟ᬓᬗ᭄ᬕᭂᬓ᭄ᬓᬬᬸᬦ᭄ᬳᬶᬤᬦᬾᬲᬂᬫᬬᬢᬶ᭞ᬫᬫᬶᬋᬗᬂ᭞ᬳᬲᬸᬄᬫᬗᬋᬧᬂ᭞ᬲᬵᬃᬚ᭄ᬚᬯ᭄ᬯᬵᬭᬹᬫ᭄ᬯᬘᬡᬦᬾ
᭞ᬳᬶᬭᬫᬗᭀᬭᬳᬂᬫᬮᬸ᭞ᬢ᭄ᬯᬭᬯᭂᬦᬂᬳᬶᬭᬦᬾᬤᬶᬦᬶ᭞ᬗᬪᬓ᭄ᬢᬶᬭᬶᬂᬓᬳ᭄ᬬᬗ᭠ᬦ᭄᭞ᬳᬶᬯᭀᬂᬤᬾᬰᬫᬵᬢᬹᬃ᭞ᬦ᭄ᬤᬯᭂᬕ᭄ᬢᬶᬢ᭄ᬬᬂᬭᬶᬂᬲᬂᬧᬡ᭄ᬟ᭄ᬬ᭞ᬫᬗ᭄ᬤᬵᬜᭂᬓᬃ᭞ᬬᬦ᭄ᬢᬦ᭄ᬳ᭄ᬬᬸᬦ᭄
[᭑᭖ 16A]
ᬲᬂᬫᬵᬬᬢᬶ᭞ᬦᭀᬓᬵᬢᬸᬭᬦ᭄ᬗᬮᬶᬦ᭄ᬢᬂ᭟ᬲᬦ᭄ᬢ᭄ᬯᬄᬓᬾᬢᭀᬩᬦ᭄ᬳᬶᬕᭂᬥᬾᬫᬫᬸᬜᬶ᭞ᬢᭂᬓᬾᬦ᭄ᬩᬧ᭞ᬳᬶᬗ᭄ᬲᬸᬦ᭄ᬧᬘᬂᬜᭂᬓᬃ᭞ᬧᬶᬲᬺᬂᬧᬫᬶᬥᬶᬦ᭄ᬤᬾᬰᬦᬾ᭞ᬪᬸᬫᬭᬳᬶᬤᬲᬂ
ᬪᬶᬓ᭄ᬱᬸ᭞ᬓᬬᬢ᭄ᬓᬸᬘᬸᬧ᭄ᬚᬂᬓᬵᬭᬓᬮᬶᬄ᭞ᬫᬾᬭᬸᬦᬾᬭᬭᬶᬲ᭄ᬳᭂᬩᬄ᭞ᬢᬸᬫ᭄ᬧᬂᬜᬦᬾᬮᬸᬮᬸᬂ᭞ᬳᬶᬯᭀᬂᬤᬾᬰᬓᬕᬯᭀᬓᬦ᭄᭞ᬭᬶᬂᬫᬸᬦᬶᬦ᭄ᬤ᭄ᬭᬵ᭞ᬚᬢᬶᬳᬶᬤᬲᬂᬩ᭄ᬭᬳ᭄ᬫᬵᬤᬶ᭞ᬚ
ᬫᬥᬵᬖ᭄ᬦᬶᬗ᭄ᬯᬗ᭄ᬰᬬᬂ᭟ᬫᬩ᭄ᬭᬶᬬᬸᬓ᭄ᬳᬶᬯᭀᬂᬤᬾᬰᬫᬢᬸᬃᬲᬶᬲᬶᬧ᭄᭞ᬭᬶᬲᬂᬧᬡ᭄ᬟ᭄ᬬ᭞᭠ᬤᬸᬦᬲ᭄ᬧᬗᬫ᭄ᬧᬸᬭᬵ᭞ᬲᬵᬫ᭄ᬧᬸᬦᬂᬕᬸᬂᬩ᭄ᬭᬳ᭄ᬫᬵᬦ᭄ᬢ᭄ᬬᬦᬾ᭞ᬢᬶᬢ᭄ᬬᬂᬳᬶᬓᬯᬸᬮᬾᬂᬤᬸᬲᬸ
ᬦ᭄᭞ᬫᬸᬂᬲ᭄ᬯᬾᬘᬦᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬫᬾᬭᬸᬦᬾᬫᬗ᭄ᬤᬓᬵᬤᭂᬕᬂ᭞ᬢᬦ᭄ᬤ᭄ᬯᬵᬲᬂᬫᬳᬵᬫ᭄ᬧᬸ᭞ᬲ᭄ᬯᬾᬘ᭄ᬙᬳᬲᬸᬂᬭᬶᬂᬳᬶᬤᬾᬰ᭞ᬓᬳᬩᬸᬢᬂᬭᭀᬫᬦᬾᬦᬾᬓᬵᬗ᭄ᬕᬾᬦ᭄ᬗᭂ
Page:Bali-lontar-paparikan-babad-brahmana-350ppi.pdf/16
This page has been proofread.
