[᭒᭔ 24B]
᭒᭔
ᬓᬵᬮᬶᬗ᭄ᬕᬵᬘᬸᬤ᭄ᬟᬫᬡᬶ᭞ᬲᬵᬫ᭄ᬧᬸᬦ᭄ᬢᬢᬲ᭄ᬳᬦ᭄ᬢᬸᬓ᭄ᬳᬶᬤ᭞ᬳᬤᬢ᭄ᬘᬭᬦᬶᬂᬦᬵᬕᬭᬶ᭞ᬓᬂᬧᬭᬮᬶᬦ᭄ᬢᬂᬳᬲᬶᬄ᭞ᬳᬢᬸᬭᬦ᭄ᬫᬲᬸᬮᬸᬂᬲᬸᬮᬸᬂ᭞ᬪᬓ᭄ᬢᬶᬫᬧᬦᭂᬫ᭄ᬩᬳᬦ᭄᭞ᬭᬶᬂᬳᬶᬤᬲᬂᬫᬳᬵᬬᬢᬶ᭞ᬭ᭠
ᬗ᭄ᬓᬸᬂᬯᬶᬪᬸᬄ᭞ᬓᬬᬸᬦ᭄ᬳᬶᬤᬦᬾᬲᬂᬧᬡ᭄ᬥ᭄ᬬ᭟ᬓᬮᬶᬄᬫᬳᬵᬚ᭄ᬜᬡᬦ᭄ᬳᬶᬤ᭞ᬓᬲᬸᬩ᭄ᬭᬶᬂᬚᬕᬢᬾᬯ᭄ᬬᬓ᭄ᬢᬶ᭞ᬫᬶᬯᬄᬢᬢ᭄ᬯᬓᬥ᭄ᬬᬢ᭄ᬫᬶᬓᬦ᭄᭞ᬉᬱᬥᬲᬗ᭄ᬓᬦᬶᬂᬳᬮᬶᬢ᭄᭞ᬯᬓ᭄ᬩᬚ᭄ᬭᬗᬸᬱᬥᬦᬶ
ᬦᬶᬦ᭄᭞ᬲ᭄ᬭᬶᬂᬗ᭄ᬭᬯᬸᬳᬂᬲᬲᬦ᭄ᬢᬸᬦ᭄᭞ᬭᬯᬸᬄᬓᬤᬾᬰᬤᬾᬰ᭞ᬫᬢᬢᬫ᭄ᬩᬦ᭄ᬮᬸᬗ᭄ᬳᬵᬲᬳᬶ᭞ᬲᬶᬤᬶᬭᬵᬱ᭄ᬢᬸ᭞ᬳᬲᬶᬂᬢᬶᬦᬫ᭄ᬩᬦ᭄ᬳᬕᭂᬲᬂ᭟ᬓᬶᬦᬸᬘᬧ᭄ᬓ᭄ᬬᬬᬶᬩᬡ᭄ᬟᬾᬰ᭞ᬤᬺᬤ᭄ᬟᬭᬶᬂᬳ᭄ᬬᬸᬦ᭄ᬲᬂᬫᬵ
ᬬᬢᬶ᭞ᬤᬾᬩᬡ᭄ᬟᬾᬰᬲᬭᬾᬦ᭄ᬧᬭᬩ᭄᭞ᬗᬢᬸᬭᬂᬧᬸᬢ᭄ᬭᬶᬲᬯᬶᬚᬶ᭞ᬚᭂᬕᬾᬕ᭄ᬳᬬᬸᬫᬗ᭄ᬭᬯᬶᬢ᭄᭞ᬧᬤᬓ᭄ᬱᬶᬡᬦ᭄ᬭᬶᬂᬫᬳᬵᬫ᭄ᬧᬸ᭞ᬧᬘᬂᬗᬯᬺᬤ᭄ᬬᬂᬯᬗ᭄ᬰ᭞ᬢᬦ᭄ᬤ᭄ᬯᬧᬸᬢ᭄ᬭᬶᬦᬾᬓᬳᬫ᭄ᬩᬶᬮ᭄᭞᭠
[᭒᭕ 25A]
ᬮᬾᬤᬂᬓᬬᬸᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬧᬲ᭄ᬯᬫᬶᬬᬦ᭄᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬳᬧᬸᬧᬸᬢ᭄ᬭ᭞ᬭᭀᬭᭀᬮᬓᬶᬮᬓᬶᬲᬫᬶ᭞ᬦᬾᬧᬮᬶᬂᬚ᭄ᬬᬾᬱ᭄ᬝᬳᬸᬘᬧᬂ᭞ᬧᬤᬡ᭄ᬟᬲᬭᬾᬦ᭄ᬧᬰᬶᬄ᭞ᬳᬦᬯᬗ᭄ᬰ᭠
ᬦᬶᬭᬯᬺᬤ᭄ᬟᬶ᭞ᬭᬶᬂᬕ᭄ᬭᬶᬬᬓᬯᬦ᭄ᬓᬯᬸᬯᬸᬲ᭄᭞ᬧᭂᬢ᭄ᬓᭂᬢᬾᬭᬶᬂᬲᬚᬭᬄ᭞ᬧᬩ᭄ᬮᬲ᭄ᬲᬫ᭄ᬢᭀᬦᬾᬓᬮᬶᬄ᭞ᬳᬦᬓ᭄ᬧᬸᬢᬸ᭞ᬢᬢᬲ᭄ᬳᬸᬦᬶᬂᬓᬳᬸᬗ᭄ᬓᬸᬭᬦ᭄᭟ᬫᬗ᭄ᬓᬶᬦ᭄ᬲᬂᬳᬭᬶᬫᬧᬭᬩ᭄᭞ᬤ᭄ᬯᬶᬚᬵᬫᬥᬾᬲ
ᬭᬾᬦ᭄ᬰᬓ᭄ᬢᬶ᭞ᬳᬫᬮᬓ᭄ᬯᬂᬥᬃᬫ᭄ᬫᭀᬱᬥ᭞ᬲᬓᬶᬂᬧᬯᬭᬄᬲᬂᬳᬚᬶ᭞ᬳᬲ᭄ᬢᬸᬲᬓᭂᬘᬧ᭄ᬫᬦ᭄ᬤᬶ᭞ᬓᬲᬸ᭠ᬩ᭄ᬲᬶᬓᭂᬢᬶᬂᬧᬗᬯ᭄ᬭᬸᬄ᭞ᬓᬮᬶᬄᬤᬍᬫ᭄ᬫᬗᬾᬫᬦ᭄᭞ᬓᬗ᭄ᬕᬾᬉᬱᬥᬾᬂᬭᬶᬂᬧᬸᬭᬶ᭞ᬲᬬᬦ᭄ᬓᬲᬸᬩ᭄᭞᭠
ᬧᬫᬃᬕ᭄ᬕᬶᬦᬾᬫᬢᬢᬫ᭄ᬩᬦ᭄᭟ᬢᬦ᭄ᬤ᭄ᬯᬯᬾᬦ᭄ᬢᭂᬦ᭄ᬢᬢ᭄ᬭᬶᬫᬾᬦᬦ᭄᭞ᬳᬲᬸᬂᬤᬍᬫ᭄ᬭᬶᬂᬲᬂᬬᬢᬶ᭞ᬗᬸᬭᬄᬧᬸᬢ᭄ᬭᬶᬲᬓᬶᬂᬲᬸᬮᬂ᭞ᬯᬗ᭄ᬰᬦᬾᬕᬸᬲ᭄ᬢᬶᬧᬶᬦᬢᬶᬄ᭞ᬳᬬᬸᬦᬾᬢᬶᬤᭀᬂᬕᬶᬕᬶᬲ᭄᭞ᬢᬸᬯᬶᬥᬥᬭᬶᬫᬦᬸᬭᬸ
Page:Bali-lontar-paparikan-babad-brahmana-350ppi.pdf/25
This page has been proofread.
