[᭒᭗ 27B]
᭒᭗
ᬋᬓᬂᬧᬗ᭄ᬳᬸᬮᬸᬧᬹᬃᬯ᭄ᬯᬦᬶᬦ᭄᭞ᬲᬂᬚᬸᬚᬸᬮᬸᬓ᭄᭞ᬳᬶᬤᬩᬕᬸᬲ᭄ᬫᬥᬾᬲ᭄ᬮᬢ᭄᭟ᬢᬦ᭄ᬳᬦᬦᬶᬂᬯᬗ᭄ᬰᬦᬶᬭ᭞ᬳᬦ᭄ᬢᬓᬳᬫᬹᬃᬯ᭄ᬯᬾᬂᬢ᭄ᬭᬸᬦᬶ᭞ᬦᬾᬧᬮᬶᬂᬚ᭄ᬬᬾᬱ᭄ᬝᬳᬸᬘᬧᬂ᭞ᬦᬸᬭᬸᬦ᭄ᬧᬸᬱ᭄ᬧᬶ
ᬢᬦᬾᬯ᭄ᬬᬓ᭄ᬢᬶ᭞ᬤ᭄ᬯᬶᬚᬯᬬᬳᬦ᭄ᬧᬶᬦᬢᬶᬄ᭞ᬫᬵᬦᬹᬢ᭄ᬦᬵᬭᬶᬲᬂᬕᬸᬭᬸ᭞ᬬᬦ᭄ᬩ᭄ᬯᬢ᭄ᬦᬶᬂᬓᬯᬶᬤᬕ᭄ᬟᬦ᭄᭞ᬧᬸᬢᬸᬲ᭄ᬓᬥ᭄ᬬᬵᬢ᭄ᬫᬶᬓᬾᬂᬳᬚᬶ᭞ᬫᬾᬫ᭄ᬧᭂᬃᬓᬬᬸᬦ᭄᭞ᬳᬚ᭄ᬜᬡᬦᬾᬭᬶᬂᬲᬂᬭᬵ᭠
ᬫ᭟᭜᭟ᬧᬸᬧᬸᬄᬧᬗ᭄ᬓᬸᬃ᭚ᬧᬗ᭄ᬓᬸᬃᬭᬶᬂᬲᬂᬳᬗ᭄ᬕ᭄ᬯᬂᬢᬶᬢ᭄ᬬᬂ᭞ᬯᭀᬦ᭄ᬢᭂᬦ᭄ᬩ᭄ᬭᬬᬢᬹᬲ᭄ᬦᬶᬂᬗᬸᬭᬄᬢ᭄ᬮᬩᬄᬯ᭄ᬬᬓ᭄ᬢᬶ᭞ᬭᬶᬂᬧᬥᬂᬓᬯᬢ᭄ᬳᬓᬸᬯᬸ᭞ᬩᬜ᭄ᬚᬃᬜᬦᬾᬬᬾᬄᬩᬸᬗ᭄ᬳᬵ᭞ᬳ᭠
ᬧᬧᬰᬶᬄᬕᬸᬲ᭄ᬢᬶᬚᬸᬗᬸᬢᬦ᭄ᬓᬯᬸᬯᬸᬲ᭄᭞ᬲᬪᬓ᭄ᬢᬶᬦᬾᬭᬶᬂᬲᬂᬦᬶᬸᬧᬡ᭄ᬟ᭄ᬬ᭞ᬧᬤᬡ᭄ᬟ᭄ᬬ᭠ᬯᬬᬦ᭄ᬧᬶᬦᬢᬶᬄ᭟ᬓᬶᬦᬸᬘᬧ᭄ᬕᬸᬲ᭄ᬢᬶᬚᬸᬗᬸᬢᬦ᭄᭞ᬦᬸᬳᬸᬃᬳᬶᬤᬧᬤᬡ᭄ᬟᬯᬬᬳᬦ᭄ᬧᬶᬦ
[᭒᭘ 28A]
ᬢᬶᬄ᭞ᬲᬼᬳᬗ᭄ᬕ᭄ᬯᬵᬦᬾᬂᬕ᭄ᬭᬦᬶᬂᬕᬸᬦᬸᬂ᭞ᬭᬶᬚᬸᬗᬸᬢᬦ᭄ᬓᬶᬦᬸᬘᬧ᭄᭞ᬫᬗᬰ᭄ᬭᬫᬶ᭞ᬚᬸ᭠ᬫ᭄ᬦᭂᬂᬫᬓᬤᬗ᭄ᬕᬸᬭᬸ᭞ᬳᬶᬤᬲᬸᬮᬸᬄᬭᬶᬂᬳᬕᬫ᭞ᬬᬸᬓ᭄ᬢᬶᬲ᭄ᬟᭂᬂᬫᬜᬹᬃᬬ᭄ᬬᬦᬶᬦ᭄᭟ᬓᬵᬢᬹᬃᬢᭂᬓᬾᬂ
ᬧᬲᬯᬳᬦ᭄᭞ᬩᬩᬸᬓ᭄ᬢ᭄ᬬᬦ᭄ᬭᬬᬸᬦᬦ᭄ᬲᬂᬫᬬᬢᬶ᭞ᬢ᭄ᬓᬦᬶᬂᬮ᭄ᬫᬄᬧᬓᬸᬯᬸᬦ᭄᭞ᬲᬫᬶᬳᬢᬹᬃᬳᬢᬸᬭᬦ᭄᭞ᬓᬦᬵᬫᬳᬶᬦ᭄ᬭᬶᬂᬳᬸᬚᬸᬂᬳᬢᬦ᭄ᬓᬲᬸᬳᬸᬃ᭞ᬳᬦᬫ᭄ᬯᬄᬳᬢᬸᬭᬦ᭄ᬭᬵᬚ᭞ᬳᬶ
ᬕᬸᬲ᭄ᬢᬶᬫᬦ᭄ᬢᬸᬧᬧᬰᬶᬄ᭟ᬯᬸᬯᬸᬲᭂᬦ᭄ᬳᬶᬫᬸᬦᬷᬦ᭄ᬤ᭄ᬭᬵ᭞ᬳ᭄ᬬᬸᬦ᭄ᬕᬺᬳᬱ᭄ᬝᬫᬗ᭄ᬓᬶᬦ᭄ᬳᬗᬮᬧ᭄ᬭᬩᬶ᭞ᬲᬓᬶᬂᬲᬶᬗᬃᬱᬦᬵᬕᬦ᭄ᬢᬸᬦ᭄᭞ᬕ᭄ᬭᬶᬬᬘᬭᬶᬓ᭄ᬓᬶᬦᬸᬘᬧ᭄᭞ᬲᬂᬳᬭᬩᬶᬩᬸᬫᬭᬧᬺᬡᬄᬫᬶᬂ᭠
ᬢᭂᬮᬸ᭞ᬓᬦ᭄ᬢᬸᬦ᭄ᬲᬶᬓᬶᬲᬫᭂᬢᭀᬦᬦ᭄᭞ᬫᬓᬳᬃᬤ᭄ᬟᬦᬭᬾᬰ᭄ᬯᬭᬶ᭟ᬢᬦ᭄ᬘᬶᬦᬭᬶᬢᬾᬂᬧᬘᬸᬫ᭄ᬩ᭄ᬯᬦ᭄᭞ᬪᬓ᭄ᬢᬶᬳᬲᬶᬄᬲᬮᬸᬮᬸᬢ᭄ᬦᬶᬂᬳᬲ᭄ᬯᬫᬶ᭞ᬢᬸᬫᬸᬮᬶᬯᭂᬃᬤ᭄ᬟᬶᬓᬂᬲᬸᬦᬸ᭞ᬲᬫ᭄ᬯᬦᬶᬂᬯᬗ᭄ᬰ
Page:Bali-lontar-paparikan-babad-brahmana-350ppi.pdf/28
This page has been proofread.
