[᭒᭘ 28B]
᭒᭘
ᬦᬶᬭ᭞ᬲᬧ᭄ᬢᬯᬶᬚᬶᬧᬸᬢ᭄ᬭᬦ᭄ᬳᬶᬤᬳᬶᬲ᭄ᬢ᭄ᬭᬶᬓᬓᬸᬂ᭞ᬲᬵᬚ᭄ᬜᬦᬾᬲᬂᬧᬮᬶᬂᬚ᭄ᬬᬾᬱ᭄ᬝ᭞ᬫ᭄ᬧᬸᬲᬶᬤ᭄ᬟᬶᬫᬦ᭄ᬢ᭄ᬭᬧᬶᬦᬢᬶᬄ᭟ᬯᬸᬯᬸᬲᭂᬦ᭄ᬳᬶᬤᬫᬸᬦᬷᬦ᭄ᬤ᭄ᬭᬵ᭞ᬳᬭᬶᬦᬶᬭᬳᬶᬤᬵᬬᬸᬫᬥᬾᬧᬸᬢ᭄ᬭᬧ
ᬧᬲᬶᬄ᭞ᬲᬗ᭄ᬳᬭᬶᬓᬢᬶᬕᬯᬸᬯᬸᬲ᭄᭞ᬲᬸᬤᬡ᭄ᬝᬶᬓᬡ᭄ᬬᬩ᭄ᬭᬢ᭄ᬣᬵ᭞ᬓᬧᬭᬩᬶᬦ᭄ᬧ᭠ᬡ᭄ᬟ᭄ᬬᬳᬶᬲ᭄ᬢ᭄ᬭᬶᬳᬦᭀᬫᬳ᭄ᬳᬶᬓᬸ᭞ᬫᬮᬶᬄᬳᬭᬶᬓᬃᬣᬶᬓᬵ᭞ᬳᬶᬤᬳᬬᬸᬓ᭄ᬢᬸᬢ᭄ᬭᬳᬶ᭟ᬲᬂᬳᬭᬶ
ᬳᬦᬓ᭄ᬓᬮᬶᬫ᭞ᬲᬵᬚ᭄ᬜᬦ᭄ᬳᬶᬤᬓᬶᬦᬸᬘᬧ᭄ᬫᬸᬗ᭄ᬕ᭄ᬯᬶᬂᬕᬸᬭᬶᬢ᭄᭞ᬳᬶᬤᬩᬕᬸᬲ᭄ᬫᬥᬾᬕᬸᬦᬸᬂ᭞ᬬᬦ᭄ᬩ᭄ᬯᬢ᭄ᬭᬶᬂᬓᬧ᭄ᬭᬚ᭄ᬜᬡᬦ᭄᭞ᬲᬭᬰ᭄ᬯᬢᬶᬯᬶᬤᬕ᭄ᬟᬫᬗᬧᬸᬲ᭄ᬓᬶᬤᬸᬂ᭞ᬫᬶᬯᬄᬢᬢ᭄ᬯᬓᬥ᭄ᬬᬢ᭄ᬫᬶ᭠
ᬓᬦ᭄᭞ᬧᬗ᭄ᬕᬸᬄᬳᬦ᭄ᬢᬸᬓ᭄ᬳᬶᬤᬲᬫᬶ᭟ᬲᬂᬳᬭᬶᬧᬮᬶᬂᬧᬫᭂᬓᬲ᭄᭞ᬧᬭᬩ᭄ᬳᬶᬤᬫᬸᬗ᭄ᬕᬸᬄ᭠ᬳᬦᬾᬂᬧ᭄ᬭᬮᬶᬡ᭄ᬝᬶᬄ᭞ᬳᬶᬤᬩᬕᬸᬲ᭄ᬓ᭄ᬢᬸᬢ᭄ᬕᬸᬦᬸᬂ᭞ᬢᬦ᭄ᬳᬦᬂᬯᬗ᭄ᬰᬦᬶᬭ᭞ᬫᬹᬃᬯ᭄ᬯᬾᬂᬢ᭄ᬭᬸᬡᬶ᭞ᬩ
[᭒᭙ 29A]
ᬬᬕ᭄ᬭᬶᬳᬗ᭄ᬫᬲ᭄ᬬᬵᬦ᭄ᬢᬸ᭞ᬯᬮ᭄ᬬᬦᬶᬦ᭄ᬧᬸᬦᬂᬘᬭᬶᬢ᭞ᬳᬶᬤᬩᬕᬸᬲ᭄ᬕᬸᬦᬸᬂᬓᬯᬶᬢ᭄᭟ᬧᬹᬃᬯ᭄ᬯᬦᬶᬂᬳᭀᬬᬾᬂᬧᬢᬧᬦ᭄᭞ᬕ᭄ᬭᬶᬬᬳᬸᬮᭀᬦ᭄ᬓᬶᬦᬸᬘᬧ᭄ᬳᬦᬫᬗ᭄ᬓᬶᬦ᭄᭞ᬳᬶᬤᬩᬕᬸᬲ᭄ᬫ
ᬥᬾᬕᬸᬦᬸᬂ᭞ᬲᬵᬫ᭄ᬧᬸᬦ᭄ᬳᬶᬭᬳᬯᬗ᭄ᬰ᭞ᬳᬬᬸᬯᬺᬤ᭄ᬟᬶᬧᬸᬢ᭄ᬭᬧᬸᬢ᭄ᬭᬶᬦᬾᬳᬳᬹᬃᬳᬹᬃ᭞ᬓᬸᬦᬂ᭠ᬢᬲᬂᬧᬮᬶᬂᬚ᭄ᬬᬾᬱ᭄ᬝ᭞ᬫ᭄ᬧᬸᬲᬶᬤ᭄ᬟᬶᬫᬦ᭄ᬢ᭄ᬭᬧᬶᬦᬢᬶᬄ᭟ᬫᬗ᭄ᬓᬶᬦ᭄ᬳ᭄ᬬᬸᬦ᭄ᬳᬗᬮᬧ᭄ᬡᬭ᭞ᬳᬦ
ᬭᭀᬭᭀᬧᬸᬢ᭄ᬭᬶᬚᭂᬕᬾᬕ᭄ᬫᬗ᭄ᬭᬯᬶᬢ᭄᭞ᬳᬶᬓᬲᬂᬳᬤᬺᬯᬾᬲᬸᬦᬸ᭞ᬧᬤᬡ᭄ᬟᬯᬬᬦ᭄ᬩᬸᬭ᭄ᬯᬦ᭄᭞ᬭᬶᬂᬚᬸᬓ᭄ᬫᬦᬶᬲ᭄᭞ᬢᬸᬗ᭄ᬕᬮ᭄ᬓᬵᬫᬾᬢ᭄ᬭᬶᬂᬫᬳᬵᬫ᭄ᬧᬸ᭞ᬓᬦ᭄ᬢᬸᬦ᭄ᬧᬸᬢ᭄ᬭᬶᬦᬾᬲᬦᬸᬗ᭄ᬕ᭠
ᬮ᭄᭞ᬯᬸᬲ᭄ᬤᬦ᭄ᬢᬶᬓᬡ᭄ᬬᬲᬸᬩ᭄ᬭᬢᬶ᭟ᬢᭂᬮᬲ᭄ᬘᬫ᭄ᬧᬸᬢ᭄ᬓᬳᬶᬦᬸᬘᬧ᭄᭞ᬭᬶᬂᬚᬸᬓ᭄ᬫᬦᬶᬲ᭄ᬢᬦ᭄ᬳᬦᬂᬯᬗ᭄ᬰᬯᬺᬤ᭄ᬟᬶ᭞ᬧᬰ᭄ᬭᬫᬦᬾᬲ᭄ᬧᬶᬲᬫᬸᬦ᭄᭞ᬧᬡ᭄ᬟ᭄ᬬᬳᬶᬲ᭄ᬢ᭄ᬭᬶᬓᬾᬯᬮ᭄ᬬ᭞ᬫᬗᬤᭂ
Page:Bali-lontar-paparikan-babad-brahmana-350ppi.pdf/29
This page has been proofread.
