[᭓᭔ 34B]
᭓᭔
ᬥᬾᬩᬸᬭ᭄ᬯᬦ᭄ᬧᬧᬰᬶᬄ᭞ᬲᬂᬳᬰ᭄ᬭᬫᬾᬂᬳᬸᬮᬸᬦ᭄ᬩᬸᬮᬸ᭞ᬯᬺᬤ᭄ᬟᬶᬓᬂᬯᬗ᭄ᬰᬦᬶᬭ᭞ᬗ᭄ᬳᬶᬲᬂᬧᬢ᭄ᬦᬶᬢᬦ᭄ᬤ᭄ᬯᬢᬶᬦᬶᬗ᭄ᬕᬮᬶᬂᬓᬓᬸᬂ᭞ᬭᬭᬶᬲ᭄ᬲᬸᬫᬮᬸᬓᬶᬂᬩ᭄ᬭᬢ᭞ᬳᬲᬸᬭᬸᬤᬵᬬᬸᬫᬜᬗ᭄ᬓᬶᬂ᭟ᬢᬭᬶᬦᬶᬭᬲᬂ
ᬓᬢᬶᬕ᭞ᬳᬶᬤᬧᬡ᭄ᬟ᭄ᬬᬳᬶᬲ᭄ᬢ᭄ᬭᬶᬳᬦᭀᬫ᭄ᬲᬵᬚ᭄ᬜᬡᬶ᭞ᬲᬵᬫ᭄ᬧᬸᬦ᭄ᬳᬶᬤᬓᬵᬮᬧ᭄ᬡᬭᬸ᭞᭠ᬭᬶᬂᬧ᭄ᬭᬪᬸᬫ᭄ᬬᬦ᭄ᬲᬶᬗᬃᬱ᭞ᬲᬂᬳᬰ᭄ᬭᬫᬶᬭᬶᬂᬕ᭄ᬭᬶᬬᬢᭂᬗᬄᬓᬲᬸᬳᬸᬃ᭞ᬓᭀᬘᬧ᭄ᬳᬦᬯᬗ᭄ᬰᬦᬶᬭ᭞᭠
ᬳᬗ᭄ᬳᬶᬂᬢ᭄ᬮᬲ᭄ᬩᬸᬳᬓᬸᬫ᭄ᬧᬶ᭟ᬫᬮᬶᬄᬳᬭᬶᬲᬂᬲᬓᬯᬦ᭄᭞ᬤ᭄ᬯᬶᬚᬳᬶᬲ᭄ᬢ᭄ᬭᬶᬫᬥᬾᬩᬹᬃᬯ᭄ᬯᬦ᭄ᬧᬧᬰᬶᬄ᭞ᬓᬵᬮᬧ᭄ᬭᬩᬶᬓᬤ᭄ᬮᭀᬤ᭄ᬕᬸᬦᬸᬂ᭞ᬭᬶᬫᬗ᭄ᬕᬶᬲ᭄ᬓᬂᬲᬶᬦᬗ᭄ᬕᬄ᭞ᬲᬂᬳᬰ᭄ᬭᬫᬶᬯ᭄ᬯᬦ᭄ᬯᬾᬂᬉᬮᬓ
ᬦ᭄ᬦᬾᬫᬮᬸ᭞ᬳᬦᬯᬗ᭄ᬰᬮᬓᬶᬢᬸᬗ᭄ᬕᬮ᭄᭞ᬳᬗᬶᬂᬳᬦᭀᬫ᭄ᬫᬦᬶᬗ᭄ᬕᬮᬶᬦ᭄᭟ᬓᬭᬶᬳᬦ᭄ᬢᭂᬦᬾᬧᬫᭂᬓᬲ᭄᭞ᬓᬧᬶᬂᬮᬶᬫᬓᬶᬦᬸᬘᬧ᭄ᬓᬧᬶᬳᬮᬶᬢ᭄᭞ᬤᬵᬫᬥᬾᬕᬸᬩᬃᬚᬸᬚᬸᬮᬸᬓ᭄᭞ᬓ
[᭓᭕ 35A]
ᬦ᭄ᬢᬸᬦ᭄ᬫᬹᬃᬯ᭄ᬯᬾᬂᬚᬚᬓ᭞ᬩᬬᬵᬕ᭄ᬭᬶᬂᬢᬸᬫᬸᬮᬶᬳᬗᭂᬫᬲ᭄ᬬᬵᬦ᭄ᬢᬸ᭞ᬯᬮ᭄ᬬᬦᬶᬦ᭄ᬲᬂᬧᬮᬶᬂᬚ᭄ᬬᬾᬱ᭄ᬝ᭞ᬧᬤᬡ᭄ᬟᬕᬸᬦᬸᬂᬧᬹᬃᬯ᭄ᬯᬦᬶᬦ᭄᭟᭜᭟ᬧᬸᬧᬄᬲᬶᬦᭀᬫ᭄᭚ᬲᬶᬦᭀᬫ᭄ᬳᬗ᭄ᬕᬾᬦ᭄ᬜ
ᬭᬶᬢ᭄ᬣᬬᬂ᭞ᬤ᭄ᬯᬶᬚᬯᬬᬦ᭄ᬕᬸᬦᬸᬂᬯ᭄ᬬᬓ᭄ᬢᬶ᭞ᬗᬫᬾᬢ᭄ᬭᬩᬶᬲᬂᬩ᭄ᬭᬳ᭄ᬫᬡ᭞ᬓᬦ᭄ᬢᬸᬦ᭄ᬧᬺᬡᬄᬫᬫᬶᬂᬲᬶᬓᬶ᭞ᬯᬃᬡ᭄ᬦᬳᬬᬸᬫᬗ᭄ᬭᬯᬶᬢ᭄᭞ᬓᬸᬘᬧ᭄ᬲᬂᬳᬤᬺᬯᬾᬲᬸᬦᬸ᭞ᬳᬶᬤᬩᬕᬸᬲ᭄ᬚᬸᬗᬸᬢᬦ᭄᭞
ᬲᭂᬥᭂᬂᬫᬓᬵᬦᬭᬾᬰ᭄ᬯᬭᬶ᭞ᬯᬸᬲ᭄ᬫᬯᬶᬓᬸ᭞ᬧᬤᬡ᭄ᬟᬳᬶᬲ᭄ᬢ᭄ᬭᬶᬚᬸᬗᬸᬢᬦ᭟ᬓᬲ᭄ᬯᬾᬦᬶᬂᬲᬵᬫ᭄ᬧᬸᬦ᭄ᬳᬭᬩ᭄ᬬ᭞ᬳᬦᬯᬗ᭄ᬰᬦᬶᬭᬯᬺᬤ᭄ᬟᬶ᭞ᬮᬦᬂᬳᬶᬲ᭄ᬢ᭄ᬭᬶᬧᬭᬶᬧᬹᬃᬡ᭄ᬦ᭞ᬯᬃᬡ᭄ᬦᬳᬦᭀᬫ᭄ᬲᬫᬶᬧᭂ
ᬓᬶᬓ᭄᭞ᬲᬫ᭄ᬯᬦᬶᬂᬲᬧ᭄ᬢᬯᬶᬚᬶ᭞ᬦᬾᬧᬮᬶᬂᬤᬸᬳᬸᬃᬓᬯᬸᬯᬸᬲ᭄᭞ᬳᬶᬤᬩᬕᬸᬲ᭄ᬯᬬᬦ᭄ᬩᬹᬃᬯ᭄ᬯ᭠ᬦ᭄᭞ᬓᬓᬮᬶᬄᬭᬩᬶᬦᬾᬯ᭄ᬬᬓ᭄ᬢᬶ᭞ᬦᬾᬧᬗ᭄ᬭᬸᬳᬸᬦ᭄᭞ᬚ᭄ᬭᭀᬓᬮᬾᬃᬓᬳᬸᬘᬧᬂ᭟ᬫᬮᬃᬲᬓᬶᬂ
Page:Bali-lontar-paparikan-babad-brahmana-350ppi.pdf/35
This page has been proofread.
