[᭗ 7B]
᭗
ᬤ᭄ᬟᬗᬸᬭᬶᬧ᭄ᬲᬂᬳᬶᬩᬸ᭞ᬬᬦ᭄ᬭᬶᬂᬳᬦᬓ᭄ᬲᬯᭀᬲᬦ᭄᭞ᬳᬲᬸᬂᬳᬚᬶᬲᬶᬤ᭄ᬟᬶᬫᬡ᭄ᬟᬶ᭞ᬪᬬᬭᬢᬸ᭞ᬳᬶᬩᬸᬦ᭄ᬢᬶᬢ᭄ᬬᬂᬢᬸᬮᬸᬲ᭄ᬫᬺᬢᬄ᭟ᬗᬶᬭᬶᬂᬳᬚᬶᬫᬭᬶᬂᬰᬾᬢ᭄ᬭ᭞ᬳᬶᬭᬶᬓᬵᬳᬚᬶ
ᬗᬰ᭄ᬭᬫᬶ᭞ᬫᬦᬄᬢᬶᬢ᭄ᬬᬂᬭᬶᬂᬳᬶᬩ᭄ᬬᬂ᭞ᬓᬗᭂᬦ᭄ᬓᬲᬸᬦᬾᬲᬗᬚᬶ᭞ᬫᬶᬋᬂᬳᬢᬸᬃᬲᬂᬤᬾ᭠ᬯᬶ᭞ᬦᬄᬚᬮᬦ᭄ᬤᬾᬯᬫᬗ᭄ᬮᬯᬸᬢ᭄᭞ᬩᬧᬫᬋᬗᬶᬦ᭄ᬳᬶᬤᬾᬯ᭄ᬯ᭞ᬢᬦ᭄ᬤ᭄ᬯᬓᬰᬾᬢ᭄ᬭᬫᬗ᭄ᬭᬭᬶᬲ᭄᭞
ᬲᬵᬫ᭄ᬧᬸᬦ᭄ᬗ᭄ᬯᬗᬸᬦ᭄ᬧᬢᬧᬵᬦᬾᬂᬰᭂᬫᬵᬰᬡ᭟᭜᭟ᬧᬸᬧᬸᬄᬤᬹᬃᬫ᭄ᬫ᭚ᬓᬘᬭᬶᬢᬭᬶᬂᬮᭂᬫᬄᬢᬸᬮᬶᬲ᭄ᬧᬰ᭄ᬭᬫᬦ᭄᭞ᬕ᭄ᬭᬶᬬᬦ᭄ᬳᬶᬤᬲᬂᬬᬢᬶ᭞ᬫ᭄ᬧᬸᬩᬳᬸᬮᬘᬦ᭄ᬤ᭄ᬭ᭞ᬭᬵ᭠
ᬫ᭄ᬬᬦᬶᬂᬕᬕᭂᬦ᭄ᬤᬾᬭᬦ᭄᭞ᬧᬗ᭄ᬭᬶᬂᬭᬶᬂᬲ᭄ᬯᬭᬦᬾᬫᬦᬶᬲ᭄᭞ᬳᬯᭀᬭᬶᬂᬋᬩᬤ᭄᭞ᬫᬺᬥᬸ᭠ᬦᬶᬂᬫᬸᬜᬶᬦ᭄ᬲᬸᬮᬶᬂ᭟ᬓᬯᬸᬯᬸᬲᭂᬦ᭄ᬧᬸᬢ᭄ᬭᬦᬾᬪᬶᬓ᭄ᬱᬸᬩᬭᬥᬄ᭞ᬧᭀᬢ᭄ᬭᬓᬦ᭄ᬯᬶᬧ᭄ᬭᬚᬢᬶ᭞ᬳᬶ
[᭘ 8A]
ᬤᬫ᭄ᬧᬸᬩᬳᬸᬮ᭞ᬧᬰ᭄ᬯᬫᬶᬦᬾᬳᬸᬘᬧᬂ᭞ᬮᬵᬯᬦ᭄ᬟ᭄ᬬᬄᬭᬵᬢ᭄ᬦᬫᬗ᭄ᬕᬮᬶ᭞ᬮᬸᬮᬸᬢ᭄ᬓᬢᬺᬱ᭄ᬡᬦ᭄᭞ᬲᬶᬮ᭄ᬬᬵᬲᬶᬄᬲᬫᬶᬳᬲᬶᬄ᭟ᬲᬵᬫ᭄ᬧᬸᬦ᭄ᬕᬃᬩ᭄ᬪᬢᬦ᭄ᬤ᭄ᬯᬫᭂᬢᬸᬧᬸᬢ᭄ᬭᬮᬦᬂ᭞ᬯᬃᬡ᭄ᬦᬮ᭄ᬯᬶᬃᬲ᭄ᬫᬭᬵ
ᬗᬹᬧ᭄ᬢᬶ᭞ᬳᬚ᭄ᬜᬡᬓᬲᬶᬤ᭄ᬟ᭄ᬬᬦ᭄᭞ᬧᬸᬧᬸᬢᬶᬂᬓᬥ᭄ᬬᬢ᭄ᬫᬶᬓᬦ᭄᭞ᬳᬭᬦ᭄ᬢᬦ᭄ᬓᭂᬦᬾᬂᬢᬸ᭠ᬮᬤᬶᬦ᭄᭞ᬳᭂᬫ᭄ᬧᬸᬢᬦ᭄ᬢᬸᬮᬃ᭞ᬯᬶᬘᬓ᭄ᬱᬦᬾᬂᬫᬗᬯᬶ᭟ᬫᬮᬶᬄᬫᭂᬢᬸᬧᬸᬢ᭄ᬭᬦᬾᬳᭂᬫ᭄ᬧᬸᬩᬢᬸ
ᬮᬵ᭞ᬲᬵᬓᬯᬦ᭄ᬲᬫᬶᬳᬶᬲ᭄ᬢ᭄ᬭᬶ᭞ᬚᭂᬕᬾᬕ᭄ᬗᬬᬂᬗᬬᬂ᭞ᬦᬾᬫᬦᭂᬫᬗᬄᬳᬸᬘᬧᬂ᭞ᬳ᭠ᬧᬭᬩ᭄ᬤᬾᬯᬶᬲᬸᬓᬾᬃᬢ᭄ᬢᬶ᭞ᬭᬶᬂᬓᬧᬶᬂᬢᬶᬕ᭞ᬦᬶᬤᬾᬯᬶᬲᬸᬫᬗ᭄ᬕᬮᬶ᭟ᬦᬾᬓᬘᬢᬸᬃᬤᬾᬯᬶ᭠
ᬭᬵᬢ᭄ᬦᬵᬫᬺᬢ᭄ᬢᬚᬶᬯᬵ᭞ᬳᬶᬓᬂᬧᬫᬸᬗ᭄ᬲᬸᬧᬧᬰᬶᬄ᭞ᬤᬾᬯᬶᬭᬵᬢ᭄ᬦᬫᬵᬬ᭞ᬧᬜ᭄ᬘᬧ᭠ᬲᬫ᭄ᬯᬦᬶᬭ᭞ᬯᬗ᭄ᬰᬦ᭄ᬫ᭄ᬧᬸᬩᬳᬸᬮᬵᬦᬾᬓᬶ᭞ᬯᬮ᭄ᬬᬵᬳᬸᬘᬧᬂ᭞ᬳᭂᬫ᭄ᬧᬸᬢᬦ᭄ᬢᬸᬮᬃᬫᬮᬶᬄ
Page:Bali-lontar-paparikan-babad-brahmana-350ppi.pdf/8
This page has been proofread.
