†
Carlos atulu pin holahta Pulaqui achit Pin Rey chuba.
Dios Yhtin noc hina ma quin Aiauis cana chu ua aia viscat sla quit Ylca ih can Ymila Pislaqui china caio in ba na maquin aia visca na chu ua aia uis cat guan gat Ylcaih can ma quit ih ca pi Ylcahin Dios piɮqui nacaio nihtaga Ylun g ta Ynsulat in nutat Guangat Ylcaihca cu mah lihin Pihnu min Nan Pula quih los min nan amali chuli cah los min nan slac los tacaiali min uslac Ylaa cacan̄a Yagamin Agan Abalah chi tafun canaca io n qui la Yn hulihla nihtaga amalt Pin holahta chu ba Pin Rey Yn nutat Yncasaminat siquit Ylca hin hachin yahlga pulaqui lavinasun qui iap choconsta itihca piy pihac chup puhaliman Pifan ataɮlit Abagat hulu chit apulu mana ahta apulu mat Yna huba chiut insaihga; cu mah lihga cu mah lihin chaspa foga ia Yt hachin cholosɮna mu ih can nihtaga noc un nagag Ygua tih qui capi Yhtoga hima Ygua ma quin, it hachin nutat, ha chia Pulaqui chu ba, fo com blit, it hachin chologɮlit, noc it hachi cta hla chit, cu mat guangat ylca ihga, cumah lihin, Pih nu min nan amali Yagamin, quan Ahon luchali slaquit Ylcacaio, aia viscana chu ba slaquit, Ylca ihcan Dios Piɮqui nacaia, Ymila Yn ba na maquin ma tih ca ca na hin, Piɮquih los Pin Ynhulihla fislachit miɮlit, haban sachit, maga hlichit, nos fihla ama li, Pimachit, nos Yna hic ba tih coga noc Yfihluqui vngia Pinichaɮ Pin iu sa chit, Pin la pulit, iap nos pulaqui fi hla Yfat chris tia nu na caio Pin hulih la chit, picu mah lac hin, vt pi ma cat hos ca ma quin, mac fin ha, Abagat, Apu lu mana siquit, cat guangat Yl ca ih ga. Cumahlihin, atuluia. nan Ylusica Pi mih can, maquit Pifan Anocfilica Ymsanama Dios Pislaqui chi na caio, in hu lih la Ymina ihcan, api nip in hulihla atih lit Yma ba chit, tubas lit, gusti niɮit, ma gumin, Pin holahta chuba Pin Rey pula qui imi naihta quah cat, Ainu magfin ha, ha chip pulaqui chuba picha nac si quih can hos nu hachitubat, Governa dori capitan General cana caio vt pima cat hos cacaio, hos nu hachi picha na mah li pichat, has nu hachin ialilga mah li, abagat, hu-
