Page:Dos cartas en lengua apalachino y timuguana.djvu/14

luchit Apu lu mat, guan̄gat, Ylcaihga. Cumat guan gat Ylcamaquin, Governadori, pima hlos pima cat, hoscacaio, gustini ca minsan, gustinit ih coga min san, Pi hu lu chi ca min san, apia visli camin san, Yah ɮihga, cumahlihga hima Governadori slit icha ca Don Ju^o. Marques Cabrera. canacaio, Pihnu min Pim Yfat on ca naiagomin Amali apia uis li fina ihlogo, nihtaga noc mah litoga iag nih^taga atita fogat ihcapi noc unafihla pin tafun yfat fihlachit, yfat camasachit, unihga Yn pichanac siqi mogo, Yalilga fihla ma quit ihcapi in pi cha nac siqui mogo nos amali igat aiauis cana chuba guan gat Ylc ih can maquit ihcapicat Ylima ga nuchit guan gat Ylcaihlogo mahlilcan nos ahta mahouiga, Yfat Yl non coia nac sam quin magalop Pin pu hat hasca ago viga ihga, Cumah lihga, Piɮqui saserdo tih los nos fihla amali Pimabachit, uni maquin, Dios Yn Yalilga guaihgag soga, nihtaga noc mah litoga lapogoc ansli, pimabachicaio Pifan ahtaɮ, Apulu maua ahta apu lu mat guan gat Yl cama quin pifan ahtago, Apu lu mat Dios Yn Yalilga iaata hita nan lacos quih los ho na ha la qui iap cat uni caio, nihtaga abala fogat ih capi guat nos anslica abagat, cristiano satag hitas hu lu chit Yn ial Yahgat ihtapulgat, Yfan chuba ɮlit, Yaɮnaihta ma nihtaga ubala fu gat ih capi guat cristiano bigana taghitas. quahcat, in hu lat guangat Ylca ihtan, don Ju^o. Mar ques ca brera holahta slin hafoga Yt Ymu mit guatag ɮlit pilalit chicasachi mogo, hima holahta mitac vt pima cat has cacaio, Don Diego quiroga. canacaio, Gustini soco nohca maquin, San Agustin. tafun cacafoga, puha limaquin, Yt ini al cat, Yfan chuba ɮlit vt iu bat ialil ga fi hla Ymacat noc amali Yfat haluchi nac min man Yfat huluchit alinchi Ytih capi noc mitas Ylifas mahli itih cani Ymacat cumat unica ma quin, himaia amali Yfan fihlat Yfanta lo gat gua ga vigaihga mat guan ga vi ga ma quin, pih nu ia gomin pi fan bo naih tama christiano bigalatag hita quahcat guan gat Ylcaihga. carlos los min christianoh los Yntafun lon pichanac siquih con magomin Yt iubanan Caih ga, viin hu lu pu la qui, holahta apa ma quin Ymila Yn Yic sa Yntas caiahlos min, iac Gover na dor Don Diego quiroga. canacaio, lat Yvitachucu ta fun man Yhtipichat Yalilga fihla Yma cat na cah loc min Yma cat cu mat guailin, aia hin puhat vntilca ma quin pi fan aioc pai guangat Ylcaiga, Basi sah los min Yn tafun ma itig fat guat Yhti pi cha hin Dios Yn ialilga abaga nac on ca ɮlihin ma qui li qui abaga na liqui, Yhti quaɮ ca ɮli ha ga hin magomin puhat, guan gat Ylcaihga. Pih-