PÈATORAN.
Bhǎdhǎn kaoelǎ sè ngangghit kètab bătja'an panèka ngangghoej ogher tello perkara:
Sè sapèsan kètab panèka èangghit sopadjă dhǎddhiǎ kasennengnganna para morèd. Gha-mogha maksot kaoelǎ ghǎpanèka katorotana.
Sè kapèng ḍoewa' tjarètana dhăddhi panonton ḍǎ' para morèd, sopadjǎ mèkkèra kalaban senneng ponapa sè èbǎtja.
Sè kapèng tello' kètab panèka bhǎḍhi radja a ghoenana mongghoe ḍǎ' pamokka'na akkal sareng kaotamanna na'-kana'.
Dhǎddhi èssèna kètab panèka kodhoe atèmbhăng sareng maksot sè kasebbhoet bhoeroe.
Dhinèng tjaraèpon ngadjhǎrraghi kodhoe ngèmotè sè kasebbhoet è băbă panèka
Ghoeroe, sè ngèstoaghi bădjhibbhă, tantona dhammang bhisaos arembhăk èssèna kètab panèka, sè rat-malarat, è bǎktona pangadjhărăn èlmo bhoemè, èlmo alam otabă ngarang.
Mènangka dhǎddhi toladhǎ kaoelǎ ngatorè opama 3 bhǎb è băbă panèka:
È băktona pangadjhărăn èlmo alam bhab kèbăn, ghoeroe parlo nerrangngaghi bhab sanolotanna ola' bhoeloe kantos dhǎddhi kakapper mabi nodhoeăghi ḍǎ' rèd-morèd boedjhoeddhǎ ola' bhoeloe, tanoker, bhaloengsongan sareng kakapper.
