107
kellas sèttong apangrasa la radja; tapè è djadija romasa tjè kènè'na. È lambhoengnga ghoenong bannja' koli alako ngala' bato ngangghoej tjo'dangdang ban radjhăng; baḍă polè sè ngebboér aghábaj lobang è ghoenong; lobang djarèja èpasangè dennamit. Mon sombhoena la èsolet, orèngnga pas boeroe madjhãoe, tako' batona aperrean. Monjèna dennamit djheddhoelan akanța marèjem; ijă djarèja sè èkaèding ban na'-kana' dari djhăoena ghella'. Amargha sakèng bhängetta paleddhoe'na dennamit, batona ghoenong bhoedjar dja-radja, ladjhoe èantjanè ban ghanding, èpanè-kènè'.
E djadijă băda seppoérra kènè' otaba loeri, karètana nè'-kènè' kèja bada sè la possa' aèssè bato, båda sè ghi' èèssè'è. Nalèka djarèja rèd-morèd loppa ka lessona, sakèng lèboerrà pada èn-maènan, bada sè njatjak maksa onggha'a ka ghoenong djärèja, tapè ta' kellar, amargha ghoenongnga dhoerdjhet ghalloe.
Samarèna ghoe-nèngghoe sarta èn-maènan, pas adjhalan polè. Nalèka alèbadhi loeri sè aèssè bato, Pentèt atanja ka ghoeroena: "Ponapa bato ghapanèka èangko' ka pangobbharan sadhădja?"
"Endja', badà kèja sè èangko' ban seppoér èghiba ka kotta sè rammè, akanța: ka Sorăbhadja, ka Semmarang bàn ka Djoekdja, parlo èkaghabaja tangghoella songaj otaba pandemmènna bengko gheddhoeng; tapè sè bannja' èangko' ka pangobbhäränna kapor. Là, rowa, satèja la para napa'a ka kennengnganna pangobbhărăn." Sakèng sennengnga sè pada ngatjèpèk salandjhängnga djhalan, ta' èkarassa sè adjhalan, tao-tao la toron è lorong kènè' njemma'è kennengnganna orèng ngobbhar kapor. Tapè pangobbhäränna ta' ètangalè.
