Sabelloenna ngadjhăr matja bhab pabbrik găs, è bǎktona pangadjhǎrăn èlmo alam otabǎ tja'-ngotja', sè bhǎdhi èkaranga, ghoeroe parlo arembhăk bhab abhadhi gǎs ḍări areng bato sarana ènjata'aghi ḍǎ' para morèd.
È bǎktona pangadjhărǎn ngangghit parlo ngarang ponapa sè ampon marè èrembhǎk.
Manabi èdjhălănnaghi kadhi sè kasebbhoet bhoeroe, kètab bǎtja'an panèka ta' malarat mongghoe ḍă' para morèd, la-mala dhǎddhi kasennengngannèpon; bhoenten ta' akadhi èssèna kètab bătja'an sè kabǎnnja'an.
Djhălănna pangadjhărăn matja tjara sè kasebbhoet bhoeroe, tanto nambǎi berră'na pangghăbăjănnèpon ghoeroe, sabab kodhoe nambăi paonèngannèpon sopadjǎ napa'a ḍǎ' saddjhăna. Anangèng sè sapanèka ta' andhǎddhiăghi kastana, sabab kamalaratannèpon sè alako radjă asèlla.
Pangarep-arep kaoelă, ghǎ-moghǎ pangghăbăjăn kaoelǎ panèka dhǎddhia partolongan ḍǎ' kamadjhoeanna rèd-morèd sareng na'kana' ngoḍǎ bhǎngsa Madhoeră. Sitoebǎndă 15 November 1915.
SÈ NGANGGHIT.
