1. Ola' bhoeloe băn ghăghăpper.
a', kaoelă ma' bhoedhoe," otja'na Ali ḍǎ' eppa'na sambi nodhoeăghi blik mari:
,,Ghi' mènggoe sè tapongkor èngghǎrowa kaoelă mangghi ola' tatello' è bhoeng kana djherroek ka'issa; sareng bhǎdhǎn kaoelǎ èkala' ladjhoe èsabǎ' è blik mari panèka. Sabbhăn arè èberri' pakan oen-ḍǎoenan sè bhoeroe ollè meṭṭèk; saamponna, bligghǎ ètotop polè èparapet. Samangkèn ola'na èpangghi èlang sadhǎdja; èsarè kantos apèneng, ta' èpangghi djhoeghăn; djhă' sakènga kalowar dări băng-lobăng djhălănna hawă, mohal sè onènga, sabab lobăng ghåpanèka tjè' kènè'na."
,,Ghǎlloe' ra, tjong, tjatjak abǎssaghi bi' tètè," tja'na eppa'na sambi ṭa-kanta ta' ngartè è bhǎb djărèja. Eppa'na Ali ladjhoe makalowar tè'-rotè' bǎn oen-ḍǎoenan ḍări blik ghella' on-laonan; ta' antara abit Ali ètodhoei pa-apa sè nalpè' è băbăna sèttong rantja'.
,,Aḍoe, ponapa panèka, pa'?" otja'na Ali sambi mengnga'. ,,Ijă arèja ola'na bǎ'na sè èlang, tjong," bǎrijă sambhiddha eppa'na.
,,Sampèjan ma' tjo-ngotjo kaoelă, pa': panèka djhoe ola'."...
,,Ijǎ bhender, arèja bănnè ola', tapè asalla tanoker arèja ḍări ola'. Taoa bă'na, ola'na bă'na, sè rè-saarè
