130
sè ako-bengko è pasèsèr lao'. Mangka mon eppa'na la karè adjhǎndjhi ta' tao lètjèk.
Kaotja'a nalèka boelǎn Pasa Mèmen molè. È sèttongnga arè eppa'na nepteppè djhandj hina ka ana'na, sè èntara njapot madjhadi'na. Badja ghi' lagghoe eppa' ban ana' la mangkat adjhalan dharat bhai. Pamangkatta ḍǎri bengkona adjhǎlǎn noro' lorong radja Daendels, ladj hoe abhiloek ka katjèr noro' lorong kènè' sè djhoedjhoek ka alas. Ta' antara abit padjhǎlǎnna napa' è alas. Maskè è nalèka djarèja arè la tèngghi, tapè è alas djadija ghi' petteng, amarghă ḍǎri bănnja'na boe-tomboean, langngè'na kongsè ta' ètangalè.
Sè ètangalè tjoma ka'-bhoengka'an ban pakès, ḍǎoenna ngabhiroe tjè' pernana abásanna. E djadija tjè' seppèna taḍǎ' kasa'na orèng, kadjhabă orèng kaḍoewă djarèja, sè ngatjèpèk toro' djhǎlǎn. Mantrè ghoeroe djärèja adhoeddhing sèttongnga bhoengkana kadjoeán, sè tjè' radjana: "La djärèja bhoengkana rasamala, tèngghina torkadhang napa' 60 M."
Laènna djărèja tjè' bannja'na ka'-bhoengka'an, sè djǎ-radjă, la-mala bǎḍǎ sè kandhella napa' 2 M. Kadjoena ka'-bhoengka'an djǎrèja tanto larang arghana, tapè ongkossa mogher bǎn ngangko, ka laèn kennengngan tanto bannja'. Saopama è pakarangan è dǎlem kotta bǎnnja'a ka'-bhoengka'anna tjara djarèja, tanto bannja' pèssèna. Nangèng endja' ta' sakabbhiǎnna kadjoe padă arghăna, bădă sè larang bădă sè moda. Akanța: kadjoe djhatè djarèja larang arghana; sè bănnja' tomboena è tana Djhaba Tèmor, è Djhabă Bără ta' patè bǎnnja'. Kadjoe djhatè rèja sè nomer sèttong èkaghabǎj pakakassa bengko, pakakas roma, parao, ghaladhak băn èn-laènna.
"Engghǎrowa bhoengkana kadjoe ponapa, pa'?" Bǎrijǎ patanjana Mèmen da eppa'na sambi adhoeddhing da' sèttongnga bhoengka, sè badă mano'na nènggha' tjè' anèna.
