13
sampèr, pas băḍă orèng djheng-mandjheng è boediănna, nangeng Pa'na Asik ta' nangalè. Orèng djärèja tao, djha' Pa'na Asík bånne orèng kotta, ella katara djha' orèng dhisa tanè toto'. Saabiddha Pa'na Asík ghoe-nèngghoe sarong, orèng bhoeroe pas njemma'è sarta ngotja' akanţa sè ella sarmo: "La, ma' sampèjan, ka'. Ponapa sè èbellia?"
Pa'na Asík atolè sarta ngabăs ka orèng djărèja semmo ghetton, tapè ijă pas njambhit: "Mellèa sarong, dji".
E ka'ḍinto korang saè sarongnga; manabi sampèjan terro melléa sè bhaghoes, ka'issa kennengnganna; torè koelä poron atolong nodhoeäghiä. Maskè kaoelä andi' parlo, tapè ta' dhäddhi ponapa ngater sakeddjha', djha' rèng tarètan dhibi'; ponapa polè nèser manabi sampèjan ètjo-kotjo arèng, sabab bannja' orèng dhisa sè èpos-aposè bån orèng adhǎghăng sampèr. Kaoelă panèka orèng kotta, ampon papa băḍăna è dalem kotta, taḍă' kerana orèng bangal atjo ngotjo kaoela. E ka'issa bada orèng adjhoewǎl sarong è-saè tor dă-moḍă, sabab sè adjhoewăl bănne toko, tapè Tjèna adjhădjha, ropana bharängnga èdjhoewǎl kerras; kaoelǎ èngghi ampon tjè' sarmona. Dhaddhi manabi sampèjan lè-mellèa asareng kaoela, mon ta' ollè amoḍa'an polè sakèng.
Pa'na Asík arassa kateppa'an ollè mo-sarmoan anjar, sè tjè' lakatta djärèja; ladjhoe mandjheng sambi atanja: E ka'dimma dji' kennengnganna Tjèna ghapanèka, ponapa djhăoe?" Orèng bhoeroe njaot: "Bhoenten, ma'-semma', è ka'issa; torè."
Orèng kadoewa djarèja pas pada adjhălăn sambi atjatja. Sakèng njamanna sè ata-bhănta Pa'na Asík loppa ka saddjhana; ta antara abit napa è bengko pamadhădhăn bhoeroe; sè kadoewa pada maso.
Orèng sè ngadjhak Pa'na Asik ato'-koto' ḍă' Tjèna sè adjhoewal tjandhoe, ladjhoe aghella'. Samarèna djărèja
