tjoma kaoelǎ sorang sè bhoenten; tanto na'-kana' èngghǎrowa ngèra, manabi kaoelǎ tako' dǎ' lèng-tjèlèngan." Eppa'na njambhit: ,,Bǎrijă ko? Dhăddhi na'-kana' ngèra djhă bă'na tako? Dhina ra, doe èkarapa tjoma bǎrijă bhai; tapè tjong, kènga'è apa tjo-pattjo sèngko'. Addjhǎ' sakalè-kalè bă'na njolet lèng-tjèlèngan, bă'na djhă' apara'. Djǎrèja ambhabhǎdjanè. Sènga', Soep!"
,,Ḍhimèn pandjhennengngan èngghi onèng adhǎboe sapanèka, tapè ponapa sabăbbhǎ ma' ambhabhǎdjanè?"
,,Kana', tjong, todjoe' dinna' semma' bi' sèngko', sèngko njarèta'aghiă apa sè la ètemmo dhibi'."
Djoesoep ladjhoe todjoe' è seddhi'anna eppa'na, ngèdingngaghiǎ sè ètjarèta'a. Eppa'na pas atjarèta bǎrijă.
,,La pan-bărǎmpan taon abiddhǎ nalèka sèngko' ghi' aomor doebellás taon, bănnja' kantja sèngko', sè èkabhǎreng èn-maènan, nangèng tjoma sèttong sè tjè' soghǎ'na, băngalan, tadǎ' sè èkatako'è sarta parèkas, njamana Achmad; tada na'-kana' sè băngalla alaban. Panaè'na leppè' akanța ebbhoe'. Mon aghä'lir sèkat akanța motak.
Nompa' djhărǎn sè nakal ijă taḍa' kettèrra. Sengko' ngèra, djha' Achmad djǎrèja dhǎddhiă orèng sè pènter.
