orèng towana paḍă matè ?" Bhăb sè ḍă'bărijă ta' pegghǎ' èpèkkèrè. Di-boeḍina pas atanja ḍă' eppa'na, otja'na: ,,Eppa', ponapa kana' ènggharowa ta' onèng bărǎs?" Eppa'na ta' ngartè kana' sapa, sè èkareppaghi ana'na djărèja. Djoesoep pas ngotja' polè: ,,Pandjhennengngan ghi' bilǎ'anna èngghărowa djhoe ta' ampon njarèta'aghi na'-kana' sè boeta?"
,,O," sambhiddhǎ eppa'na: ,,kana' rowa sè èkareppaghi bă'na? Endjă', tjong, Achmad ta' tao bărǎs. Boeta terros."
,,Ponapa ta' onèng kalowaran sakalè, ponapa saabiddhǎ neng-enneng è romana bhisaos?"
,,Endja, tarkadhang ija adjăr-kalèndjar, tapè mastè bădă sè ngater, bhă' eppa'na, bhă' emboe'na otabǎ orèng laèn. Ta' èbăghi adjhălănan bi'-dhibi ăn, sabab ngabǎtèrè, ame tatjabbhoer ka soksok, talèmpet djikar băn èn-laenna. Kaotja'a bit-abit sèngko' la atambă radjă, la tao long- nolongè eppa alako è sabă.
Rèng-orèng bannja' sè ngallè ka koṭṭa, padă njarè kasap è ḍissa. Tapè kana' boeta bhoeroe kapaksa neng-enneng è bengkona.
Nalèka orèng towana la pada matè, kana' djărèja ta' teptep ngennengngè bengkona, sabăb bengko djárèja bengko sèwa'an. Sè anḍi' orèng Arab, ta' nèser ḍă Ach- mad, tjoma terro narèma'a pèssè sèwana bhai; mangka Achmad ta' anḍi, pesse bắn ta tạo njare pèssè. O, nespa ongghoeǎn orèng oḍi' tjara Achmad djărèja, ta' ija, Soep?" Engghi, pa'. Kaoelă ma' ngerres mèrengngaghi tjarèta ghǎpanèka."
Eppa'na Djoesoep nerrossaghi tjarètana polè:
,,Nalèka djǎrèja Achmad ladjhoe èghibă molè băn tarètan binè'na, sè la noroq patona orèng. Anangèng serrèna èparra Achmad djărèja malarat, ta' mampo ngèngonè băn ngangghoeji èparra, molana ladjhoe èsoro
