6. Sambhoenganna dhǎghǎngan wǎ'-boewǎ'ǎn.
È sèttongnga sakola'an è Probolinggo băḍă mòrèd atanja ḍǎ' ghoeroena:
,,Ghoeroe, èkèrèmmaghi ka'kamma bhisaos paona haddjhi Ismail ghapanèka ?" Sambhiddhǎ ghoeroena: ,,Ekèrèmmaghi ka laèn naghără è taua Djhăbă, sè bănnja' ka tana Djhăbă Bără băn tana Djhăbă Tengnga."
,,Kadhi ponapa rèng-orèng è laèn naghără ka'issa ma' onèng, djhǎ' haddjhi Ismail adhǎghǎng pao?"
,,Bǎrinna' djhălănna: haddjhi djărèja matabăr dhăghănganna kalabǎn sorat kabhăr, ijă arèja maso'aghi advertentie è sorat-sorat kabhăr, njebbhoettaghi, djha' abă'na adhăghǎng pao; pa'-sapa'a bhăi ijă ollè apessen."
,,Aponapa rèng-orèng è Djhăbă Bără' ma' kantos messen ka Probolinggo, ponapa è ka'ḍissa taḍă' tamenan pao?"
,,Ijă băḍă, tapè tada' pao sè njaman akanța è ḍinna'. Apa polè paona è dissa bănnja' sè boettjo' èkakan ola'na pao."
,,Ponapa sè ènjamaè ola'na pao panèka?"
,,Djǎrèja kèbăn kènè' sè ampo atellor è kembhǎngnga pao. Kalamon kembhăng djǎrèja la dhăddhi boewa, tellor ghella' pas aenneng è ḍi ḍǎlemanna, bit-abit ladjhoe teddhas ḍhăddhi ola'. Ola' djǎrèja ngakan dhăghingnga pao. Kolè'na paona ijă katon èsak, tadă' tandhana djhǎ' è ḍǎlem băḍă ola'na, tapè mon èkombi', bhoeroe kataoan djhǎ' boettjo', ta' kennèng èkakan."
,,Ponapa sabǎbbha è ka'dinto ma' taḍǎ' ola'na pao ghǎpanèka?"
,,O, parkara djarèja ta' ghampang èterrangngaghi. Mara edingngaghi. Hǎwăna tana Djhăbă Băra bǎn hăwăng Djhăbă Tèmor, bănnja' bhidhǎna.
E mosèm nèmor hawăna tana Djhăbă Bără' ta' patè panas akanta è Djhǎbǎ Tèmor. E ḍissa maskè mosèm
