7. Bă'a.
Pa'na Găni la towa tor boeta; èbă sabarija ghi lèboer bhăi nabbhoe saroeni. Mon Pa'na Găni la nabbhoe saroeni băn ngedjhoeng, rèng orèng towa ngoḍă paḍă lèboer ngèdingngaghi, taḍă' bhoesenna; somèlè na'-kana' sè paḍă èn-maènan ijă pas sèrep, kabbhi paḍă berka', aghǎribbhoeng nèngghoe Pa'na Găni sè nabbhoe saroeni ban ngèḍingngaghi pangèdjhoengnga. Mangka nalèka djărèja sowarana la ta' patè njarèng băn tennè akanță ghi' lambă'na. Bannè djărèja bhăi kapènteranna Pa'na Găni, adhoengngèng ijă pènter.
Dhoengngèngnga bănnja' sè ngadjoendjoennaghi sarta bănnja sè lotjo. Mon teppa' ka sè lotjo, orèng sè ngèḍingngaghi padă aghella'an taker kel-ngekkel; tapè mon teppa' sè mellassaghi, bănnja' orèng sè kalowar aèng mata; dhinèng mon teppa' sè angghettonnaghi, sè ngèḍingngaghi padă tjengngeng mandheng ḍă' sè adhoengngèng. Sè èkalèboeri na'-kana' ijă arèja tjarèta lalakonna Pa'na Găni dhibi' nalèka ghi' ngoḍana.
E nalèka sèttongnga arè na'-kana paḍă èntar ka bengkona Pa'na Găni mènta dhoengngèngngaghi. Sè èpèntaè ijă legghǎ bhăi, pas atjarèta bhab băndjir, sè la tao ètjarèta'aghi; maskè barija na'-kana' ghi' lèboer kèja bǎn addrengnga. È băbă arèja tjarètana:
,,Nalèka sèngko' ghi' lantjèng, ra-kèra aomor 16 taon,
