Saongghoena sè da'bărijă djärèja ta' aghăbăj meng- nga'na ghoeroe, sabab la sasat sabbhăn arè bănnja' morèddhǎ sè ta' maso. Dhinèng sababbhă laèn tada' tjoma sakè' ghoemèghil (malaria).
È antarana rèd-morèd djărèja bădă sèttong sè ter- pènterran atanja ka ghoeroena, apa marghăna ma' nja'bănnja' ghǎlloe orèng sè ètjapo' panjake' ghoemèghil.Ghoeroena njaot: "E dalemanna samènggoe rèja sèngko' bhakal nerrangngaghia bhab djărèja da' ba'na kalabǎn kanjata'an."
"Kalaban kanjata'an?" otja'na rèd-morèd è dǎlem atèna, arassa hèran, bărǎmma sè anjata'aghiă, djhă' orèng panjakèt, ta' kennèng ètangalè, tada boedjhoeddhă
Kalagghoeanna ghoeroe djărèja asoroan morèddhă ngala' aèng soksok sè djhennèng, tapè sè ta' aghili, satengnga ghellas, ban aèng songaj sè aghili satengnga ghellǎs padă djhennèngnga. Ghelläs sè dădoewa' djärèja padă èkodoengè rambing sè bhersè èparapet, sopadjă ta' kamaso'ana aboe otaba èn-laènna kotoran. Bhǎreng la marè pas èsaba' è dǎlem lomarè. Sabbhän lagghoe èpakalowar ètodhoeňghi da' para morèd. E kalagghoeǎnna ètèngghoe ghi' tada' pa-apa sè katon è dǎlem ghellas, kadjhabhana aèng. Bărijă kèja kalagghoeǎnna polè. Tapè katello arèna è dǎlem ghellas, sè aèssè aèng soksok sè ngemmeng, ètangalè bădă kèbanna tjè' kènè'na, landjhángnga ta' lebbi dări sèttong otabă doewǎm.M.; bhăngonna akanța olar, njamana ola' entèng; tèngkana tek-otekan da' attas da' băbă; mon dă' attas, kongsè para napa'a ka di attasanna aèng. Kalagghoeänna ghellas djǎrèja è pakalowar polè dări lomarè; ola'na katon atambă bănnja'. Na'-kana' morèd padă mengnga', ta' ngartè dări dimma asalla ola' djärèja, ladjhoe bădă sè atanja kaghoeroena: "Däri ka'dimma padatengngèpon otabă asallè-
