15. Totokka bhăb 14.
Kakanna orèng Tengger rèn-arèn sè mastè ijă arèja djhaghoeng. Dhinèng nasè' èangghèp kakanan sè moldjă, molana sè ngakan nasè' tjoma mon noddjhoenè băḍă parlona bhǎi. Orèng Tengger rèja ta' anḍi' rondjhăngan; mon noto paḍi otabă laènna neng è kolè'na sapè. Soelèman aghella'an, ladjhoe atanja: ,,Aponapa ma sapanèka, ghoeroe, ponapa è ka'ḍissa larang kadjoe, sè kèngèng èkabhadhi rondjhǎngan?"
,,Endja' ta' polana larang kadjoe bărijă; tapè pangèrana orèng è dissa, mon băḍă sowara nger-ènger, ghoenong Bromo palèngpèngen pas seddhi, sowarana agăleggerrån, leddhoe'ǎ."
Marija atanja ka ghoeroena: ,,Ponapa pandjhennengngan ḍhălem ampon onèng alongghoe è ka'ḍissa?" ,,Ija, Marija, tapè la bilan. Padjhălănan ḍă'assa nalèka djărèja malarat ongghoe, sabab ghi' taḍă' djhălăn sè èsak. Sèngko' kapaksa nompa' djhǎrăn. Satèja lorongnga lèbăr, maskè nompa'a motor ḍări Pasoeroean kongsè napa' è dhisa Tosari ijă njaman; tapè djărèja tjoma mongghoe ka orèng soghi, ta' ijă? Akanța otja' sèngko' ghellă', nalèka sèngko' èntar ka Tengger kapaksa nompa' djhǎrăn băn aḍhărăǎt bhǎi;
