Bhǎreng sengko' ngènep ollè samalem è Gombong, sang mo-sarmoan djărèja kalagghoeǎnna èadjhăk nèngghoe ka Karang bolong. Ghi' petteng la paḍă mangkat nompa' djbărăn. Djhălănna alèbadhi bă-sabă, pas napa' è sokona ghoenong sè èèntarana, ladjhoe èntar ka bengkona Tjèna sè dhăddhi pakterra sarang boeroeng, ija arèja sè anḍi' kobǎsa molong sarang boeroeng kalaban madjar padjhek ḍǎ Kangdjeng Goepermèn. Bhǎreng sèngko' abălă apa sè èkareppaghi, Tjèna djărèja kalaban soka' atè ghellem dhoe-nodhoeăghiă apa sè parlo ètèngghoeă.
Dă'-aḍă'na sèngko' èadjhak nèngghoe goeḍǎng semma' ban bengkona, ijă djărèja kennengngan panjèmpennan, padjhemmoran, pamèlèan bǎn pangeppakanna sarang boeroeng, sè marè èpolong. È ḍalem goedang djärèja băḍă ra-parana perrèng èbbha' bǎn sarang boeroeng adjhirdjhidjhir, radjǎna ramara talopakan, robăna băḍă sè konèng abăk mèra, băḍă sè konèng băn băḍă sè potè. È ḍalem goeḍăng băḍă pangkèngnga sèttong, sè ta' kennèng èlebbhoenè orèng laèn, kadjhabhăna dhoekonna, orèng Djhăbă. Otja'na Tjèna ghella', è ḍǎlem băḍă katèdoenganna èghărengghå tjè' bhaghoessa, ban polè mèdjă sèttong bäddhana sasadjhin aroba: wa-boewăăn, kakanan bǎn nom-enoman sè man-njaman, ija djărèja pangkèngnga rato djhim, sè ngobǎsanè tasè' lao', adjhădjhoeloek Njai Geddè Loro Kidoel. Mètorot tjarètana orèng Djhăbă, karatonna rato djhim djǎrèja băḍǎ è dhăsarra tasè' Lao' tjè' bhaghoessa.
Njai Loro Kidoel djǎrèja adjǎgă orèng sè njemma'è kennengnganna, sopadjă salameta, sokkor mènta èdhina ghalloe sarana njaba sasadjhin. Tapè mon rato binè' djărèja seḍḍhi ḍǎ' orèng, sè ma'-semma' è karatonna, opama amarghǎ korang sasadjhinna otabă ta' kateppa'an djhǎlǎnna, ladjhoe èkaghabǎj tjalaka'.
Tja'na orèng Djhǎba, Njai Loro Kidoel djǎrèja torka-
