"Ponapa kèngèng pandjhennengngan maso' ka roma boeta ?"
"Tanto, sèpat orèng ollè èntar dǎ' ǎssa."
"Boelǎn dǎteng rèja."
Dă'-adǎ'na Djoesoep neng-enneng bhai, ta' băngal abălă dǎ' eppa'na, djhă' noro'a, tapè di-boedina atanja rè-lèrè: "Ponapa kèngèng kaoelă ngèrènga, pa'? kaoelă ma' bhoedhoe, kadhi ponapa orèng boeta ollè djhǎr-adjhǎrǎn."
"Ijă," saotta eppa'na: sokkor bå'na bhǎdjheng sè djhǎradjhărǎn sarta ta' nakal, ijă ollè noro'. È dissa ba na mon terro taoa bhǎrăng sè nè-anè. Sakola'an ijă bădă."
"Sakola'anna pasèra?"
"Sakola'anna orèng boeta."
"Adjhǎr ponapa'an na'-kana' è sakola'an ghǎpanèka ?"
"Kabbhi èadjhǎrrăghi, akanța bă'na sè adjhar è sakola'anna, la-mala alebbian polè."
"Ampon djha' tjo-ngotjo kaoelǎ pona, pa'," saotta Djoesoep.
"Mon bǎ'na ta' partjadja ka sèngko', mara toraè bhǎi. Mon la napa' è dissa, bhoeroe bå'na tao kakabbhi, apa sè-èadjhǎrrăghi da' orèng boeta."
Djoesoep para' ta' kellara adǎntè', tjè' kabhoeroena sè pas napa'a ka roma boeta; tapè kapaksa njabbhǎrrăghi ghålloe.
