Kolè'na lètja sarta lèja' akanta kolè' masa', barnana potè!
Samarèna atellor, lobangnga pas ètopoè ban beḍḍhi kongsè ta katara, sopadja ta' ètemmoa ban orèng otabă kèban, pas èdhina'aghi ka tasè', ta' èkaènga'è polè bărămma kadhăddhianna. Tellor, sè ta' ètemmo ban orèng otabǎ kěban, tao teddhas amargha panassa arè.
Boeḍoe'na pennjo sè ghi' bhoeroe kalowar dari tellorra ropana potè, radjana ra-mara pèssè bínggoélăn. Pennjo nè'-kènè' djareja ngaremmet èntar ka tasè' sakareppa dhibi'; korbhina ta' mardoeli, maskè èkakana kèban, la ta' tao djhabana. Boedoe'na pennjo djarèja ghi' ta' tao alangngoj sarta ta sèkat, molana mon taghiba bàn omba ka kèsèk, mangka tjèttjèr è djăḍija, ghampang bhai ètjolpè' bhango otaba èkakan kèban laènna. Dhinèng sè ghi' neng è ḍalem aèng ijă bannja' tjalaka'na, ija arèja bannja sè dhaddhi pakanna mondoeng. Dhaddhi njata ḍa' ba'na, djha' pennjo rèja bannja' mosona, apa polè mon ghi' kènè', bannja' ongghoe patèna; tapè serrèna tellorra talebat bannja', ghi' baḍa bhai karèna, sè ghi' oḍi' kongsè radja. Mongghoe mosona pennjo rèja, salaènna sè kasebbhoet è attas ghella', ghi' baḍa polè, ijă arèja patè' alasan.
Kaotja'a ghi ta' abit sèngko' matja sorat kabhăr, sè ngabharraghi, baḍa pennjo ekarobhoet pate' alasan băn bhadja. Barinna' tjarètana:
Băḍă orèng èntar djhalan kamalemman è djhălan, kapaksa ngènep è pèngghir sèrèng, ladjhoe aghabaj rangghoen è attas kadjoeăn. Nalèka la tjompet arè è djădijă tjè' seppèna, sè èkaèding tjoma ngarosona omba. Orèng ghella' ladjhoe nangalè pennjo tjè' radjana arangka onggha ka dhǎră; padjhalanna ngotjer, ta' katèk boe-amboean sarta ta' alè-tolèan; è boedina ghi' băḍă polè bha- rengnga; ta' abit pas băda sowara ngatjèporan è songaj,
