molana njaman bhăi pan-bărămpan kapal alabbhoe è djăḍijă. Palabbhoeăn lowar băn dalem djärèja ènjamaè palabbhoeăn Tandjoeng-Prijoe'.
Abiddhă pangghăbăjăn djărejă 10 taon, ghi belloen ranta kalabăn samporna. Njata abhoet ongghoe paghǎbajjǎ palabbhoeăn djǎrèja.
Antara 25 taon agghi' molaè ḍări marèna, palabbhoean djarèja èpateppa' sarta èpadălem, kongsè bhădhănna kapal, sè maso'na ka aèng 7 M., ngennèng alabbhoe è djăḍijă.
Kalamon bă'na nèngghoe è palabbhoeăn ḍălem, tanto hèran băn ghimeng, ta' tao kemma sè ètèngghoeă ghǎlloe, apa nèngghoeň karaton è tasè', ija arèa kapal sè ghoes- bhaghoes, apa nèngghoeň koli, sè ngaremmet sarta ngaghă rijoek padă èmo' alako maongghǎ matoron bhărăng, otabă nèngghoeǎ lèr-kalèrra orèng alolongan, sè ongghǎ toron ka kapal? Sèngko' nantoaghi, ba'na mastè palèngpèngen neng è djǎḍijă, sakèng rammèna orèng, ngarodoe'na loeri sè ngangko' bhărǎng ka goedăng, ngaroto'na tangkèrèanna kapal bán èn-laènna sowara.
Kapal sè alabbhoe è djadija sataonna ta' korang ḍări 1600 mègghi', dhăḍḍhi rata-ratana è ḍălem saarè 4 otabă 5 mègghi'.
Paḍătengnga pal-kapal djárèja dari naghără-naghǎră è dhoennja rèja sè djhăoe băn semma', akanta dări Soemattra, Salébes, lo-polo Maloekoe, dări naghará Tjena, Djeppang, Erropa, Amérika băn ḍări Oéstralija.
Kabbhi djărèja mowa' bharang dhaghangan ban orèng sè pada alolongan.
Semma' băn palabbhoean Tandjoeng-Prijoe' djarèja băḍă tor-kantor bhijana. Răng-bharang sè èghiba maso' ḍări laèn naghară, mastè bada bhijana. Ba'na tantona la tao kaparloanna pèssè bhija djarèja. Eba-sabarija sèngko' nerrangngaghiä sakonè mongghoe kaangghoejja pèssè
