Священная история Ветхого и Нового завета (1880)/В/Ветхий/11
| ←10-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 11-це глава. |
12-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 15—16 |
11. Содомонь марто Гоморронь ёмамодостъ.
Лотъ Содомъ городонь ортанзо лангсо озадо ащиль, кавто Ангелтнэнь самсто. Сонъ неть кавто ютыцятнень эстензэ удомо тердинзе. Сынь мерить: «минь тескъ улицясо удотанокъ». Лотъ мери тенстъ: «монъ улицясо удомо авулинь мерть тенкъ: тесэнь ломатне пекъ [ 16 ]авадрятъ, сынь тынкъ авулидизь обидякъ». Сестэ Ангелтнэ Лотнэнь удомо совасть. Сынь валске Лотнэнь ёвтасть: «минь», мерить, «Ангелтъ; тонъ Лотъ седе куроксто пурнакъ сэрнякъ да, эсь семіятъ саезь, чикъ тестэ: минекъ Пазъ неть городтнэнь ёмавтомостъ кучимизь. Чіемстэнкъ удало ёновъ вейкенкъ какъ илядо варштакъ». Лотъ эсь козяйканзо да кавто тейтерензэ саинзе да городстонть тусь. Молемстэстъ Лотонь козяйказо эзь кирдть, удаловъ варштась. Сонъ кодакъ варштась, солонь столбаксъ велявсь. Се шкане менельстэ палыкандалъ ([1]) марто толъ прась да Содомъ марто Гоморронь, ліятъ ваксостъ городнэнь гакъ вейсэ пултынзе (ёмавтынзе). Сеть ёмазь городтнэ таркась, ведь лисезь, моряксъ велявсь. Се морянть эйстэ Кулы моря мерить: ведсэнзэ калъ а эряви — кулы, чиресэнзэ ломань а эряви.
- ↑ (*) Сѣра горючая.