Священная история Ветхого и Нового завета (1880)/В/Ветхий/16
| ←15-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 16-це глава. |
17-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 20—21 |
16. Іаковонь Лаванонь кедсэ эрямодо.
Іаковъ Лаванонь кедсэ весемезэ камсь (20) іеть эрясь. Сонзо мелезэнзэ Лаванонь веженсь тейтерезэ Рахиль пекь тусь. Лаванъ мери тензэ: «служакъ темъ сисемь іеть, Рахилень козяйкаксъ тенть максса». Лаванъ Іаковонь манизе: сисемь іетнень ютазь Рахилень таркасъ Іаковонь экшесъ покшъ тейтерензэ максызе. Сонзо лемезэ Лія ульнесь. Іаковъ Рахилень кисъ одовъ сисемь іеть Лаванонь кедсэ служазь, эсь экшезэнзэ [ 21 ]саизе. Іаковъ Лаванонь кедсэ одовъ кото іеть служась; неть кото іетнень кисъ Лаванъ тензэ эрва кодамо мелка скотина максь. Іаковонь неть кото іетнень ютамсъ скотинанзо раштазь Лаванонь скотинадонзо седе ламо велявсть: сонзо Пазъ Сонсь баславизе несакъ. Лаванъ Іаковонь айгеме панеме кармась: сонзо, сельмензэ сіядозь, Іаковонь лангсъ кежензэ пекъ састь. Іаковъ ваны тесэ эрямозо апекъ ёнъ. Пурнынзе ули паронзо, козяйканзо, эйдензэ какшонзо марто, весе скотинанзо саезь эсь тятянзо Исааконь масторсъ тусь. Кіява молемстэ Іаковъ марясь: эсь братозо Исавъ каршонзо 400 слуганзо марто самодо. Іаковъ тандадозь эсь стадастонзо седе ёнъ скотинатнень кочказь Исавъ братэнстэнь гостинецексъ кучсь. Мейле сонъ, Іорданъ леень чирезь пачодезь, семьянзо, скотинанзо кавтовъ явинзе да Іорданонь троксъ печтинзе, а сонсь Іорданонть те пелензэ удомо кадовсь. Іаковонь марто такодамо ломань вень перть бороцясь. Сонъ Іаковонь ве пильгензэ томбизе. Те ломанесь ашолгадома малавъ Іаковонь баславизе да мерсь тензэ: «тонь леметь ней авуль Іаковъ, а Израиль улезэ: тонъ Пазъ марто бороцить! Коле ломань марто бороцямо карматъ, тонъ эрва кинь изнясакъ». Валскенть Іаковъ эсь братонзо Исавонь неизе. Исавъ сонзо неизе да радувазь палызе: Исавонь кежензэ мейшсть несакъ. Сонъ Іаковъ марто совѣтнасто явозь эсь масторозонзо тусь, а Іаковъ тятянстэнь тусь. (Исавонь племадонзо Идумейть мерить).