Священная история Ветхого и Нового завета (1880)/В/Новый/53
| ←52-це глава. | Священная исторія Ветхаго и Новаго завѣта на эрзянскомъ нарѣчіи (1880) Новый завѣтъ. 53-це глава. |
54-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 138—140 |
53. Іисусъ Христозонь вельмезь стямодонзо мейле, Магдаласто Маріянень, ліятъ мѵронь канниця аватненень гакъ неявомадонзо.
Субботасто чокшне Магдаласто Марія, Іаковонь Марія, Соломія и ліятъ аватъ Іисусъ Христозонь тѣланзо [ 139 ]ваднемань кисъ ароматъ (тантей чійнесэ ой) рамасть. Недлянь васеньсе чистэнзэ (недля чистэ) валске рана (чопудава) сынь калмо лангсъ тусть. Сынь молемстэ „ки“, мерить, „пещёрань кенкшенть лангсто кевенть ве ёновъ кшумадсазо тенекъ“? Пачкодсть; ваныть кевесь ужъ ве ёновъ кшумадезь ащи. Кода калмонть малавъ састь, Пазонь Ангелонзо неезь, пекь тандадсть. Ангелось тенстъ мерсь: „илядо тандалекъ. Тынь крёстъ лангсъ чавозь Назорейстэ Іисусонь вешнетядо. Вана Сонзо путозь таркась; Сонъ тесэ арась ней; Сонъ вельмезь стясь. Азеде ёвтадо Сонзо Тонавтницятненень, Петранень гакъ, мереде: „Сонъ тынянкъ Галилеясо неяви“. Сынь сорномо кармасть: пекъ дандадсть несакъ. Пещёрастонть лисезь чіезь тусть. Ве аньсякъ Магдаласто Марія пещёрасонть, кадовозь, пекъ авардсь; сонъ мейле, калмонть лангсъ варштазь, кавто ашо одюжасо Ангелтъ нейсь; вейкесь Іисусонь тѣланзо путозь тарканть пря песэнзэ, омбоцесь пильге песэнзэ озадо ащесь. Ангелтнэ кевстизь: «мейсь», мерить, «тонъ авардятъ»? Сонъ ёвтась тенстъ: «коле», мери, «монъ а авардянъ: Іисусъ Христозонь азданъ ковъ, тѣланзо саезь, путызь (кекшизь)»! Мейле удалонзо варштазь, Іисусонь Эсензэ неизе да эсе содакъ: «те садонть мельга якиця видна», мерсь эсь пачканзо. Іисусъ кевстизе сонзо: «мезень кисъ авардятъ тонъ, эле кинь вешнятъ»? Марія мерсь Тензэ: «вай, паро ломань! коле Тонъ Сонзо саикъ, ёвтыкъ темъ, ковъ путыкъ: монъ Сонзо эстемъ сайса». Іисусъ тензэ лемсэнзэ «Марія»! мерсь. Сонъ сескэ содызе Сонзо да мерсь Тензэ: «Тонавтыцямъ»! Іисусось отвѣчась тензэ: «Монь эзэзэмъ иля токавтъ: Монъ Эсь Тятямъ туртовъ [ 140 ]эзинь кузть ищо; азе тонъ Монь братнэнень ёвтакъ: Монъ кузянъ ней Эсь Тятямъ туртовъ, тынкъ Тятянкъ туртовъ; Эсь Пазомъ туртовъ, тынкъ Пазонкъ туртовъ». Магдалань Марія сескэ мурдась да мезе нейсь, мезе Пазонь кедстэ марясь, весе Сонзо тонавтницятненень ёвтлинзе. Се шкане ліятъ мѵронь канниця аватне, мекевъ мурдазь, Іерусалимсъ эль пачкодемстэ, другъ Іисусъ Христосъ, икелестъ появазь, ёвтась тенстъ: «радувакшнодо»! Аватне Сонзо, пильгензэ аловъ празь, пильгензэ кутмордызь. Сонъ тенстъ «илядо пелть» мерсь: «азеде ёвтадо Монь братнэнь туртовъ: сынь Монь Галилеясо нейсамизь, тозонь молестъ». Мѵронь канниця аватне мезе нейсть, мезе марясть Апостолтнэнень весе ёвтлизь, а Апостолтнэ сынстъ эзизь кемть.