Denanz a ona cuna

by Rosa Massara de Capitani

Insèmma ai rœus, insèmma ai gelsumin,
E propi in del bel mes de la Madonna,
Te set rivaa anca ti, o car bambin,
T'ee faa benon, va là, sont contentonna.

Bel fior de magg, te l'ee mudaa el giardin:
Là, semper bell, chi invece el sluscia, el tronna;
Ma fa nagott, sta quiett, te gh'ee vesin.
Quell'angiol de tua mamma tanto bonna,

E sul cœur de la mamma, m'è duvis,
Te trovaret on alter paradis.