Pover tosann!
Pover tosann! Me faan vegnì in la ment
Che istess de lor, lì cont el coo in di man,
Sont stada anmì, e anmì hoo provaa el torment
De dì: coragg, inanz.... chì inscì gh'è el pan!
Come quel temp l'è andaa lontan lontan!
Se pensi a quij brutt di me fa spavent...
E pur, cosa vorii che meneman
Mi tornariss indree a quij moment.
Sì, tornarissi de capp a sto tœu fiaa
D'on esamm de concors, a quel magon
De sentiss a dì in faccia: l'è andaa maa,
Ma pienna anmò de fed, de illusion
Senti minga ch'el pan el sà de saa,
E credel, anca poss, anmò on bombon!
(*) Assistendo a un esame di concorso per le assistenti
maestre comunali.