"ტყაქვიჩინა" (მოიადეფ დო გუმნათქუეფი)

- ფრაველი მერქას იქიმინუ, ტყაშ რდუალას ოკო ჯინა.-სენეკა

- ქიას ღურა უჭარუნ, თიმ დღას არძა ჯა ოზგილოტაიათ გინმირთუ.-აფრიკული მოიადა

- ჯაქ მუ დიგურუ ნეტე დიხაშე, ნამდა შეულებუ ცაწკილა ფურცქინი.-პაბლო ნერუდა

- არძა თასიქ გეშაფალასჷნ, ტყას საროტი ვადოსქიდუ.-აკანურ (აფრიკა) მოიადა

- აწონთხაფილ ჯას არძა ოდიშქეთ ანჭუაფუ.-ესპანურ მოიადა

- ართ პაჭუ კჷ ანდა ვითოშ დღამელენ ტყათ რე გოყურსილი.-რალფ ემერსონი

- ცივილიზაციას წოხლე ტყა მეუჯღონს, უკახლე ტიოზ მეთხოზუ.-შატობრიანი

- კოჩი თიცალ ბუმა რე ორთაში, მუჭო ჯა.-დენ კილეი.-ლანდშაფტიშ დიზაინერი

- მასქილადაფარ მუშოთ ოკო გინოქუქუჩელ ბაღიშ მახოროს.-ესპანური მოიადა

- ორო თინა რე, მუთ მემოჩქუნა, ჯა ხოლო რეალობა რე.-აბრაამ ლინკოლნი

- ამანაშ ნჭაფა ჯგირი რე, პალმეფჷშენ ჩიება ხოლო უჯგუში.-არაბული მოიადა

- ოკონდა მიჩქუდას ხოლო, ნამდა ჭუმან აკარენ მირსულებუნ, ამდღა იშენთ ქოდვორგუანქ ჩქიმ უშქურიშ ჭველას.-მარტინ ლუთერი (1483-1546 )

- ჯა სოურე გილართელით ირდუნ, თეურე ეკირთუ.-კორეული მოიადა

- ბოშბაღანას ჯა კვაღაშ მიოგამალო ოკო.-სტეფან ნადო

- მაღალ ჯა უმოს ბორიას ჭოფუნს.-ჰოლანდიურ მოიადა

- კოჩჷ ვაჩუანს ტყასჷდა, მალას ახვილაფირ ივაფუ აკანს, ნამუთ ვაჩუანს დუდო მუსი.-ბრაის ნელსონი

- მუჟამს მახომუანთ ბოლო ჯასი, მუჟამს მოწამალანთ ბოლო წყარმალუსი დო ოჭოფუნთ ბოლო ჩხომსჷნ, თიმწკილა გუჩანთ გურს, ნამდა ფარა ვეჭკომენ.-ქრიაშ ტომიშ ინდიარეფიშ გუმორაგადი

- გიგანტურ ჭითა ჯაშ დო ვარ სექვოიაშ ჯალონეფს თეშ ოკო მუთხილუათი, მუჭო დიდ დო სქვამ ხვამაგეფილეფსჷნ.-თეოდორ რუზველტი

- ორო ვაძირენ, ბჟას ვარი, დუდჷს ოკო გიაბრალენ.-ჩინურ მოიადა

- შხვა დღახუეფი ულირბორჯიშიე, ჭველეფიშ დორგუაფა ხოლო მელენდღას მიკაბუ.-ჯ. სტერლინგ მორტონი

- გურს რცხჷნ ჸას ოხარებაფე დო თექ მაღურჭულარ ჩიტი ხოლო ქომოფურინუნს.-ჩინურ მოიადა

- ჯალეფ დიხაშ ირიართოიან ცადება რე ერაგადას მირსალ ჟინცასჷნ.-რაბიდრანათ თაგორი

- ჯა მუსხით ოკონ მაღალო ჟინცაშა ინჭუაფუდასჷნ, ფურცელეფ ჩხვიჩხვეფს ართუნა.-მალაიურ მოიადა

- მუთუნ ვარე უმოს ედორიაშა მუმაჸონაფალი, ვანდარო ტყაშ ხიბულჷ აკოცაიშისი.-ჯორჯ ვაშინგტონ ქარვერი

- მართალ ზიტყვა ცას ჯინჯარ ჯაშ მოტოლუა რე.-ყურანი

- ჩქიმდე რაგადელ სი დოიგანგალუანს, ხვალე თიშენ, ნამდა ჟირხოლო ართ ჯაშ ვორეთ ჸალეფი.-ვილიამ ბატლერ იეტსი

- უშქურ ჯაშე მიკე ვადოლუ.-ჰოლანდიური მოიადა

- ჯაგალი, რდუალაქ ქედეცალუდა, მენჯელ ირდუ.-უინსტონ ჩერჩილი

- მით ჯას ორგუანსჷნ, მენდის ორგუანს.-ლუსი ლარკომი

- მაპეულე ჯას ფსილაია-ფუტურეფ ხოლო უმოს გაღვარღუ.-გვინეურ მოიადა

- გაზეთი ინფორმაციათ აკოტარკუნელ ღურელ ჯა რე.-„ელექტრონიკ ფრონტიერი“

- ტყა ჯალეფჷშოთიენო.-ინგლისურ მოიადა

- უჸოროფეთ რინა ჯას გუ უპეულესი დო უნარჩქინუსი.-ხალილ ღიბრანი

- გეჸუცინელ რჩინამოჭიშაფილი უმოსის ორწყე, ვანდარო კოთაკონქას გილახუნელ ბოშკოჩი.-გამბიურ მოიადა

- ჯა უბორიოთ ვექანცუ.-ავღანურ მოიადა

- რინა ჩქინი ართ მეწკარილ ფურცელეფიშ ციმა რე.-ომარ ხაიამი

- ჯაფორტვიაშე დიო ხოლო ისიმუნო გვერშაპიშ ბირა?-დოგენი

- გილუა ჯაპი ცარუ თასიშე ეშმურს.-გამბიურ მოიადა

- ერჩქინაშე რწუმა ბთხოზუნა. კოჩჷს რწუმა თეშ ასქვანს, მუჭო ჯას ჯიღა.-რალფ ემერსონი

- ფანია ტყას გუ, გალეშე მაჯინეშოთ ტებურიე, მარა მიშახალე მიშელენქჷნ, ქოძირუნქ, ნამდა არძა ჯას მუშ აკან უღუ.-აკანურ მოიადა

- ტყალეფ თარაშ მაართან ხვამაგეფილეფიე.-უილიამ კ. ბრიანტი

- კიღურეფიშ შქას უმანგარაში ჯაშა ანჭუაფუ მასვანჯებელო.-უგანდურ მოიადა

- მითინს ვეშულებუ ღორონთიშ დორგუაფილ ჯაშ ეშაჩხვიჩხვუა.-იურუბაშ კათაშ (აფრიკა) მოიადა

- ნარჩქინუქ მეგეკორინუდა, ჯაშა გეშახოხი.-თომას ფულერი

- მენჯელიე თი საოშო, სოდეთ ბადიდ ორგუანს ჯასი, ნამუშ ოროს ხოლო დუდო ვამაჭიშუანსჷნ.-ბერზემულ მოიადა

- რინაშ ჯა რე ნარჩქინუ მართალეფიში.-ბიბლია

- ხვამაგეფილ კათეფიშ ხელუანობაშ თანჯიე, მარა თიშე დიდებუანიე ლურწემ დო მალანურობათ გუმოსილ ჯა.-ჰენრი ვ. ბიჩერი

- ურგებელ ჯა ჯგირ უშქურს ვამკიღანს.-დანიურ მოიადა

- სახათიშ დო მენჭირაშ სმება ქოგოლამუნადა, ქესურით ჯალეფიშ საოშოს.-ჰალ ბორლანდი

- ჯაშა ეშაჩოკორით ეშმახოხალი კოჩი მუშ ჩხვიჩხვუეფიშ ოჩამურიე.-მაორულ მოიადა

- მენჯელ ქარბორიას მენჯელ ჯა ირდუ.-უილარდ ჯ. მარიოტი

- ქამელეონ ვატებულენს ართ ჯას, სონდარო მაჟიას ვამკიწონუანსჷნ.-არაბულ მოიადა

- ჯაშ დორგუაფა ნარკემიშადიარაფალიე ოქიმინალეფჷშე. ინა უმოს ჯგირ აქტიე რწუმაში, ვანდარო ფსქილიშ ინოსახება.-ტორნტონ უაილდერი

- ჯა ხვალე დუდიშ თხილუაშ გურჷშენ აღამაკენს ავტომობილს-ამერიკულ მოიადა

- თინა ორგუანს ჯას, მუდა ქარგებაფუას შხვა დგუმასჷნ.-ციცერონი

- მესქეთ გინორგუაფილ ჯა ვაპეულენს-ლათინურ მოიადა

- ღებარ თიჯგუარ პოლიტიკოსიე, მისით შეულებუ მოჭკირას ჭითა ჯა, გეშეღირღოლას თიშ როგოშა დო გოგმოქოთქუას ზიტყვა კონსერვაციაშენ.-ადლაი სტივენსონი

-ჸოროფა ედემიშ უშქურცალო ვერდუ. ინა დუდო ოკო მორდენ დო წუმოსახუა ხოლო ოკო ქათუხვარუენ.-ჯოის კერი

- ჯა ნარჩქინუთ იჩინებე, კოჩჷ საქვარითი.-ლათინურ მოიადა

- მუთ ჯა რე, ნარჩქინუ ხოლო თინა რე.-გერმანულ მოიადა

- მუ ჭარაფაშითი ჯა რენ, ნარჩქინუ ხოლო თინა რე.-დანიურ მოიადა

- ანგარო რე აკანი, ნამუს გაფუ ჯალეფჷშე ადუშელენს დო უკულ თაქიან ოშაჸეეფს თე ჯალეფიშ ჯოხობუეფს გეთმიოდვანსჷნ.-ბილ ვოგანი

- მოდირიკ ჯა, სონდარო ურდუ რენ.-იტალიურ მოიადა

- ჯალეფ დიდებუან მალანურობათ რენა გოფშეფი.-ჰერბერტ პ. ჰორნი

- ართ ჯას ხვალე ართ ოგვადო აკაგი.-ლათინურ მოიადა

- ვამოკვათა ჯა, ნამუთ გიორენსჷნ.-არაბული მოიადა

- ჭითა ჯალეფ, ოკონდა უღურუობაშ ფორმეფჷნ, მეწკარელენა ბორჯიშ ჩქარმალი ჰაგაგეფიშ შქას.-ედვინ მარხამი

- ვაშინუა ხვალექა, გახოს ჯა ვაგიწონებუდა.-ზულუსურ მოიადა

- ჯა ჩქინი არძაშე ხოლოშ ლაბი რე ორთაწკილა.-ჯორჯ ნაკაშიმა

- ჯაშ დორგუაფა ჯგირობუაშ დორგუაფა რე, სქვამი დო გუმაჯამუეფელი.-ჯ. სტერლინგ მორტონი

- სხული მუშით ქოცენსიდა, ჯას ვადუქანცუა.-სლოვაკურ მოიადა

- პალმას ნუ მოძირანქ, ფინიკი ქომოძირი.-ავღანურ მოიადა

- ღურა უკაჭულ ქიმიურ კაჭი რე, ნამუთ არძაშენ ჭკირუნს, სექვოიაშ გალე.-ჯ. ჯ. ფურნასი

- დოღუნცილ ჯას ქიცუცია ხოლო ქელასხაპანს.-პოლონურ მოიადა

- თინეფ აკმაფორჩანა ჯგირ ჯალეფს გილახა გაზეთიშ გიშაშქუმალარო.-ჯეიმს გ. უატი

- ჯალეფ ადამიანიშნეთო ხარენა ართო რინათ. მოწოკის თინეფჷშე ქოხიბულენს ხვალახობადა.-იენს იენსენი

- გილახა ჯაშე ჯგირ ნარჩქინუს ველუდა.-პორტუგალიურ მოიადა.

- ეგებუ ჩქიმ რინა დიდი, სუმარმაჸოროფე ჯაშ მატოლუა რენ, ნამუს შულადირ მერზე მასვანჯებელო ანჭუაფუნ.-ჯონ ჰენრი ჯოუეტი

- ჩქინ პლანეტაშ ეკუნა-ამაღალებაშ მიოგამურო ძნელიე ქაგიგორუე ჯაშე უმოს ოფოთაფალ მუთუნ.-ჯონათან ვეინერი

- დიდ ჯას ნარჩქინუშე უმოს ორო უღუ.-გერმანულ მოიადა

- ჩქიმ ნარღიშ მაჰამებელო ქომუჩით მა ტყა ორთაშიერ სიაზაპეში.-ქლინთონ სქოლარდი

- ჯახილიშ მარგუალს ნარჩქინუშ მონწია ვაიმენდუდას.-ჰოლანდიურ მოიადა

- პატი ქეგედვ ჯას, ნამუსით დუდჷს მიკმიჩუანქჷნ.-ჰოლანდიურ მოიადა

- ირ ჟირ ფიფიშ შქას ფარდიკარიე ახალ აკარენს.-ჯონ მიური

- მორსება რე უცქვირინანდე თე ჯალეფს დო ვაბირონდუდენ.-რალფ ემერსონი

- პრინციქ უშქურ ქინებუდა, ჯალამო მუღუნა მოინალეეფს.-გერმანულ მოიადა

- წყარეფიშ ნიეფ გოლას უნწალუანს, ლასარკჷრდეს ჭყანას არძენს ჯალეფიშ შქიორი.-შიტაო

- ჯაშა გეშახოხჷდა, გიმე კინ თი ჯაშე ოკო გილახოხე.-აფრიკულ მოიადა

- დიხაშ ონთხჷშე გორჩქინელ ანდანერ ნარჩქინუეფჷშე ჯა უდიდაშიე.-სუზან ფენიმორ კუპერი

- ამდღა მითინს გეშულებუ ჯაშ ოროს ლამოსო ქაქთოდოხოდასჷდა, თენა თიშენ, ნამდა მუდგაინ ბორჯის მიდგაქიენ დარგუ თე ჯა.-უორენ ბაფეტი

- დორაგვაფილ ჯაშ ლახუა ეფიე.-დანიურ მოიადა

- მიჸორს ჯალეფ, მუდა თინეფ არძა შხვაშე ულიმორო მეთხოზუნა მუნეფჷშოთ დოდგინელ რინაშ წესის.-ვილა ქათერი

- კოჩეფ ქუას ხვალე ნარჩქინუამ ჯას ოჸოთანა.-ფრანგულ მოიადა

- თინა რე ჯა, ნამუთ მუშ ორთას ნარჩქინუს გინოჩანსჷნ.-ლათინურ მოიადა

- ტყას ვირთინუანთ სხუნჷს დო რწუმასი.-რალფ ემერსონი

- მუჭო მაღალ ჯალეფს გოსიმაფუნა ჯოხობუ დორხველ ოროთჷნ, კოჩეფს ხეჯგირ დო გურამეფს-დორხველ ნტერეფითი.-ჩინურ მოიადა

- ტყაშა ულა ჸუდეშა ულა რე.-ჯონ მიური

- ტყა ნარჩქინუთ ქიჩინი, კოჩი მუშ საქვარითი.-რუსულ მოიადა

- ჩხომიშ ოგორუშა ჯაშა ვეშართა.-ჩინურ მოიადა

- კურუმს ფურცელეფიშ დოციმაშ ძირაფაქ დოწირიდუ ჩქიმ ილუზიეფ. კითო ფურცელ ღანკიე გინულირ რხენაში, ჩქიმ გურს დიო ხოლო მაფანფალეში.-მუ დანი

- ფარა გურიწყულობაშ ჯას ირდუ.-იაპონური მოიადა

- ჟამ-ჟამიშე კურუმჷშა მიშვით, მესიაკონობათ გოფშაშა, შურიშ სანხათიშ დართინაფალო.-თომას ვოგანი

- ართ ტკაჩუათ ხე ვანთხუ.-გერმანულ მოიადა

- ტყალეფჷშა ჩქინ მორყება ხვალე მუკნაჩხილეტ-ენარზა რე თიში, მუჭო ვორყუთ დორხველ დუდჷს დო ართიანსი.-განდი

- ვეცადა მოდირიკე ხილონძ ჯა.-გერმანულ მოიადა

- აკარენიშ გასაჩინე რზა ოღურღუთეშა გიშმურს.-ჯონ მიური

- ართ დგუმა ჯას ორგუანს, მაჟია ოროთ რგებაფულენს.-ჩინურ მოიადა

- დიადიხაშ კინ გატყარება შიოლებერიე, კოჩჷ ხოლო ხეს ქემშუჭირინუანსჷდა.-სანდრა პოსტელი დო ლორი ჰეიზი

- ართ ჯა ჟირ ზესქვის ვენტირუანს.-ლათინურ მოიადა

- მუთ ჯას შუნ, არგუნს აჭყორდუ.-ამერიკულ მოიადა

- ჯაშ დარგუაფალო მაართან სასვება ბორჯი ეჩჷ წანაშ კინოხ რდუ, მაჟია ასე რე.-ჩინურ მოიადა

- უჯგუშ ჯას უმოს მოთმოხვადუ.-იტალიურ მოიადა

- მუთ მაღალიენ ჯა, უმოსო მონკათ აჟგართუ.-ჰოლანდიურ მოიადა

- ჯას ფურცელ დორაგვაფაშახ უცენს.-ფრანგულ მოიადა

- ჯიშიერ ჯას ნოჸელეფ ხოლო ჯიშიერ ურუ.-ჰოლანდიური მოიადა

- ხილონძ ჯაშ ნაჩქინუ მესქეთ უმოს გემუანიე.-გერმანულ მოიადა

- არძაშე უმოს მაღალ ჯას ხოლო დიხაშა დინურსხუ ჩხვიჩხვეფ-ამერიკულ მოიადა

- ქვირთუს ვეშულებუ მუშ გითაშქვიდაფალო ჭყანიერ ჯა ქოძირასი.-გერმანულ მოიადა

- ჯა მუშ ტეფის ვაგასხუნე.-იტალიურ მოიადა

- ხო ქუჩქუ, თეიშახ მოჭკირუნა, სოიშახ ცას მიანჭუნ.-დანიურ მოიადა

- წიმოხიან ვარშუდა, წყარმალუ რექ უბინულ დო ჯა უჩხვიჩხვე.-ჩინურ მოიადა

- ბურჩხი რაგადი ჩხომიშ ოჭოფუშა ჯაშა ეშულას გუ.-ჩინურ მოიადა

- ჯაქ ეკირთუ, არქა, არგუნი!-იტალირ მოიადა

- მუჟამს ნარჩქინუს ჭკომუნქუნ, ჯაშ დუმარგუაფალ ქორშუდას.-ვიეტნამურ მოიადა

- დორაგვაფილ ჯაშ ფირცელეფს ქიცუციეფ თქუმორუნა.-აფრიკულ მოიადა

- ჩხვიჩხვი ურგებელ ქორედა, ჯა ხოლო ალა-ჩალა ირდუ.-გერმანულ მოიადა

- ჯა მუჟამს ღურუნ, თიშ თუდო ოდიარე ხომუ.-ჩინურ მოიადა

- დორაგვაფილ ჯაშა არძა ნოჸელაშ მჷმაჭკირალო მირულე.-ჰოლანდიურ მოიადა

- დორაგვაფილ ჯაშა ბაღანა ხოლო გეშეხირხოლუ.-ვიეტნამურ მოიადა

- პალმას ქარწყექჷდა, პალმა ხოლო გორწყე.-აფრიკულ მოიადა

- ჯაშ მაჸოროფეს ნოჸელა ხოლო უჸორს.-იტალიურ მოიადა

- ჯას გუქი, მითინს ქუორენქჷდა.-არაბულ მოიადა

- ნორგჷ მიდირიკუ, ხილონძ ჯა-დღას ვარი.-ჰოლანდიურ მოიადა

- კოჩი გუთუობაშახ მარცხო ორგუანს ჯას.-ჯონ ეველინი

- ჭყონი თელასგოჭყაფილ სახე რე კოჩანიერობაში.-უილიამ შენსტონი

- უმორთელე რე ქიანა ბაღანეფიშ უმუშო დო ჯალეფიშ უმუშო ხოლო დახე თინა რე.-თეოდორ რუზველტი

- ჯაქ გოხომუდა, კინ თექ ქოდარგე ახალი.-კარლ ლინეი

- გამნაჭყანეფ მეულა, სოიშახ ჯალეფ გეჩანან.-თომას ბრაუნი

- ჯა რინაში ნინა რე ზნეჯამიერი.-ბიბლია

- მით ჯას ორგუანსჷნ, თინა მუშ თურიშ მოჸოროფე რე.-თომას ფულერი

გინამარგალუ გიორგი სახოკიაქ.